Doneztebe, Nafarroa. Ipar Amerika Mendebaldean artzain ibili ziren euskaldunak biltzen dituen 'Euskal Artzainak Ameriketan' elkarteak, Donezteben egingo du, urriaren 5ean, 2025eko artzain ohi amerikanoen urteroko besta handia. Iaz Berueten eta duela bi urte Urdazubin egin zen, elkartea 2006an antolatzen hasi zen topaketa hau. Gehienbat Nafarroaren bi aldeetako artzain ohiak biltzen ditu, eta emigrante izandakoen elkarren arteko loturak atxikitzeko eta Euskal Herriko hainbat eskualdetan bertako sustagarri eta faktore garrantzitsua izan den Diasporari lotutako fenomeno hau nabarmentzea dira egun hau eratzen segitzeko arrazoiak, omenaldi moduko bat eginez belaunalditan artzaintzari lotuta emigratu eta, batzuk berriz herriratuz eta beste batzuk han geratuz, Estatu Batuetako egungo euskal komunitateak eraiki zituen errealitate bereko parte.
Hona urriaren 5eko egitaraua:
- 10:00etan, hamaiketakoa Eskolan
- 11:00etan, Herri kirol erakustaldia
- 11:30ean, Eliza aldera txistulari, gaitero, erraldoi eta Zubietako joaldunekin irteera
- 12:00etan, Meza Doneztebeko Mendi abesbatza laguntzaile
- 13:30ean, Kalejira Elizarik frontoiraino txistulari, gaitero, erraldoi eta Zubietako joaldunekin
- 14:00etan Highbolla eta ondotik bazkaria, Santameriak zerbitzatua
Musika: Jose Angel, Menditarrak eta Erramun Martikorena - Autobusen irteera atzera etxera, bakoitza etorri den herrira
Txartelak bazkarian parte hartzeko, irailaren 1ean jarriko dira salgai, irailaren 25era arte, honako ohiko leku edo pertsonak medio: Bortziriak-en, Lesakako Udala eta Maitetxu Leonis; Malerrekan, Angie Otxandorena eta Jesus Mari Jorajuria; Baztanen, Arraioz, Udaletxea eta Erratzuko Iparla taberna; Donibane Garazin, Paris; Aezkoan, Félix Almirantearena; Artzibarren, Beñardo Villanueva; Erron, Alberto Urbeltz; Iruñean: Félix Almirantearena eta Arantxa Telletxea.
Lagun bati bidali
Komentarioa gehitu
