euskalkultura.eus

Donostia-San Sebastián. David Barbero kazetariak zuzentzen duen Forum saioak Josu Ruiz de Gordejuela historialariarekin solasaldia eskaini du gaur goizean. Arabar ikerlariak  bere azken liburua, ‘Los vascos en el México del siglo XIX’ liburua izan du mintzagai. Ruiz de Gordejuela Arabako Euskalerriaren Adiskideen Elkarteko lehendakariordea da eta Mexikoko euskal komunitatearekin harreman estua du, haien historiari buruz ikerketa ugari egin ostean. Izan ere, egunotan Mexikon da Ruiz de Gordejuela, Mexiko DFn eta Mazatlan hirian azken liburu hau aurkezteko.

Forum saioa Diasporan ere ikusi ahal izango da, Canal Vasco eta ETB-Sat-en bidez egingo diren errepikapenetan. Canal Vasco-n lehen emisioa gaur bertan izango da, eguerdiko 13:15tan (Euskal Herriko ordua), eta errepikapen bat egingo da biharko 01:30tan (Euskal Herriko goizaldean). Aldiz,  ETB-Sat kanalean lehen emisioa gaurko 10:30tan izango da eta errepikapena biharko 04:30tan.