euskalkultura.eus

Albisteak

Estreinekoz euskal herri kirolak erakutsiko dira Murtziako Iraileko Azokan, bertako Euskal Etxearen eskutik

2007/09/01

Murtziako Euskal Etxeak herri kirolak erakutsiko ditu hiri honetako Iraileko Azokan aurten estreinekoz. Azoka atzo bertan hasi zen, baina euskal ekitaldiok datorren asteburuan izango dira. Harrijasotzaile eta aizkolariek hiru erakustaldi egingo dituzte eta trikitilari talde batek ere beste hainbeste kontzertu eskainiko ditu. Azokak dirauen bitartean Euskal Etxeak standa izango du zabalik eta euskal produktuak saldu eta informazioa banatuko da bertan.

Euskal herri kirolak lehenengoz iritsiko dira Murtziako Iraileko Azokara, Euskal Etxearen lanari esker. Ekitaldiok elkarteak azokan duen standean egingo dituzte. Bertan gainera Euskal Herriari buruzko informazioarekin 5.000 afitxe banatzen hasi dira jada eta euskal produktuak dituzte salgai: Astigarragako sagardoa, Bizkaiko txakolina, Nafarroako ardoa, Sakanako txistorra, Erronkariko gazta eta Bilboko makailaua, besteak beste. Gainera, Itziar Bengoa eta Gloria Etayo artista bilbotarren lanak ere jarriak dira dagoeneko salmentan.

Herri kirol erakustaldiak Donato Larretxea, Patxi Larretxea, Ohian Larretxea eta Garikoitz Larretxea aizkolari eta harrijasotzaile nafarrek eskainiko dituzte. Lehena larunbatean, hilaren 8an izango da, 12:30tan. Bigarren ekitaldia egun bereko ilunabarrean, eta azkena igandean, eguerdian. Euskal musika ere entzungai izango da Murtziako Azokan, Zumarragako Iñaki eta Gari Lizarraga trikitilariekin. Euren emanaldiak euskal standean bukatuko diren kalejirak izango dira eta kontzertu forma hartuko dute. Larunbatean (12:00 eta 21:00etan) eta igandean (13:00etan) izango dira.


Lotura interesgarriak

Murtziako Euskal Etxea
www.euskaletxea-murcia.com

Euskal Kirolaren II Gala, Murtziako Euskal Etxean
EuskalKultura.com-en argitaratua 2007ko martxoaren 3an

---

---

Irakurrienak

• 2024/04/17
  Protestak Valentzian, Generalitatek HEOetako euskara klaseak ezabatu ostean, 4 irakasle eta 120 ikasleri eraginez
• 2024/04/22
  Saltoko Euskal Etxeak Harriague Astearen 6. edizioa eta Ardo Ondareak bertan 150 urte betetze izana ospagai hartu ditu
• 2024/04/16
  BEOren 2024 euskal bekak AEBn: "Janariaren eragina euskal kulturan" gaiari lotutako obrak beharko dira aurkeztu
• 2024/04/18
  2014ko Aberri Eguneko azken sorta Diasporan: hilabete eta erdiko epean egin dituzte euskal etxeek euren ospakizunak
• 2024/04/16
  Cañuelas eta Txileko Santiagoko EEek joan den asteburuan ospatu zuten Aberri Eguna eta Las Vegasekoak datorrenean

Azken komentarioak