euskalkultura.eus

Bilbo, Bizkaia. Astebete barru, maiatzaren 15ean, amaituko da EKEk eta Azkue Fundazioak lankidetzan sortutako hirugarren "Irudimena" lehiaketa. Parte-hartzaileek Euskal Herriko "soinumapako" 8 soinu dituzte aukeran eta horietatik bat hautatu eta oinarri bezala hartuta, pieza berri bat sortu beharko dute: soinu berri bat (edozein motakoa, musika, kantua, abarrotsa, nahasketa...), euskarazko testu bat (edozein generotan, poesia, narrazioa, deskripzioa, bertsoak...) edota irudi barri bat (argazki, marrazki edo margo bat...). 

Sorkuntzak  formulario honen bidez helaraziko zaizkie antolatzaileei, datorren asteazkena baino lehen.

Euskal Herriko zein Diasporako edonork har dezake parte.

Sariak Fnac dendetan gastatzeko diru-txekeak izango dira: 300 eurokoak modalitate bakoitzeko (soinu, testu edo irudia) lehenengo postuan suertatzen direnentzat; 200 eurokoak bigarrenentzat eta 100 eurokoak hirugarrenentzat. FNAC-ek liburu, CD, bideo, argazki kamera, ordenagailu eta teknologia alorreko produktuak saltzen ditu. Diasporatik ere egin ditzakezue erosketak, dendaren webgunearen bidez.

Lehiaketaren oinarriak, hemen

Harremanetarako:

• Euskal Kultur Erakundea - Institut Culturel Basque
  Jakes Larre - jakes.larre@eke.org
  Tel. 00 33 5 59 93 25 25
• Azkue Fundazioa
  Amaia Ocerin -  amaia.ocerin@bizkaia.net
  Tel.: 00 34 944028081