euskalkultura.eus

Bartzelona, Katalunia. Bartzelonako Euskal Etxeak aukera emango dio euskal talde gazte bati EH Sona! jaialdiaren aurtengo edizioan bere burua Bartzelonako Espai Jove La Fontana aretoan aritu eta ezagutzera emateko. Aukera baliatu nahi duenak, elkarteak antolatu duen lehiaketan izena eman eta kantak bidali baino ez du egin behar. Kontzertua azaroaren 20ean izango da.

LEHIAKETAREN OINARRIAK

1) Euskaraz abestu eta EH Sona jaialdian inoiz parte hartu ez duten talde eta bakarlari orok parte har dezake lehiaketan. Ez da inolako mugarik jarriko musika estiloari dagokionez.

2) Saria Bartzelonako Euskal Etxeak antolatzen duen EH Sona’10 jaialdiaren barnean kontzertu bat eskaintzea izango da, Bartzelonako Espai Jove La Fontana aretoan. Euskal Etxeak bere gain hartuko ditu taldearen bidaia, loa eta afaria (traiektoko 100 €, gehienez ere bi auto, beharrezkoak izanez gero), kontzertuaz gain.

3) Lehiaketan parte hartzeko gutxienez lau abesti bidali beharko dira.

4) Lehiaketaren egutegia hau izango da:

-Irailaren 20tik Urriaren 20ra: lehiaketara aurkezteko epea

-Azaroaren 2an: irabazlea jakinaraziko da

-Azaroaren 20an: kontzertua

5) Kontzertua gutxienez 30 eta gehienez 50 minutukoa izan beharko da

6) Abestiak formatu digitalean bidali behar dira eta Bartzelonako Euskal Etxeak bere webgune eta blogean erabiliko ditu lehiaketa eta kontzertuaren berri emateko

7) Epaimahaia Euskal Herrian eta Bartzelonan musika munduan lan egiten duten zenbait jendek osatuko dute

8) Parte hartzaileek jabetasun intelektualari buruz indarrean dagoen legediarekiko edozein lege-hauste ez dela antolatzaileen ardura baieztatuko dute

9) Lehiaketan parte hartzeak oinarri hauek onartzea dakar

10) Antolakuntzak, ezinbesteko baderitzo, oinarri hauetan aldaketak egin ahalko ditu, behar bezala jakinaraziz

11) Lanak bidaltzeko helbidea:

Bartzelonako Euskal Etxea
Placeta Montcada 1-3 08003
Bartzelona

Informazio gehiago nahi izanez gero idatzi barcelona@euskaletxeak.org edo kulturabcn@euskaletxeak.org helbidera edo jo Euskal Etxearen webgunera.