euskalkultura.eus

Donostia-San Sebastián. Gai honek Diasporako elkarteetan sortzen duen interesaren jakitun, Eusko Jaurlaritzak 'Euskal Etxeentzako laguntza deialdiaren' argitalpen data eta 'Premia larrian dauden pertsonentzako laguntzen deialdiaren' argitalpen data iragarri ditu. Lehenengo kasuan deialdia martxoaren 31ko Euskal Herriko Agintaritzaren Aldizkarian (EHAA) argitaratuko da. Data horretatik aurrera deialdiaren oinarriak eta inprimakiak aldizkariaren webgunean eskuratu ahal izango dira. Eskabideak aurkezteko epea apirilaren 1etik maiatzaren 5a bitartean egongo da irekita.

Premia larria duten pertsonei zuzenduriko laguntzen kasuan BEHHAk apirilaren 4ean argitaratuko du deialdia eta eskabideak aurkezteko epea apirilaren 5etik maiatzaren 5eraino egongo da zabalik.

Ohi bezala Euskalkultura.com-ek deialdi hauen argitalpen eta aurkezteko epeen berri emango du, oinarriak eta inprimakiak eskuratzeko helbideen loturak gehituz.