euskalkultura.eus

Frankfurt, Alemania. Abian da iragan ostegunaz geroztik Eduardo Chillida Katedra, Frankfurteko Goethe Universität delakoan, nahiz eta inaugurazio ekitaldi ofiziala ekainean egingo den, Etxepare Euskal Institutuak jakinarazi duenez. Halarik ere, Ana Maria Rabeirakasle gonbidatuak ostegunean abiatu zituen klaseak, eta uztailarek 5a bitartean bi mintegi erakutsiko ditu bertan astero.

Lehenen mintegiak “Espazioa, denbora, materia. Eduardo Chillida eta eskultura modernoaren erronka” izenburua du, eta, bigarrenak, aldiz, “Lekuaren esanahia Artean. Chillidaren erakusketa espazioetatik enkontru espazioetara”. Katedra unibertsitatearen Ikasketa Kuratorialen Nazioarteko Masterrean txertatu da.

Nazioarteko erreferente

Eduardo Chillida Katedrak Frankfurteko Arteetako Liburutegiak berariazko atal batean bildu du artistari buruzko bibliografia osoa. Hori dela eta, egitasmoaren arduradunek espero dutekatedra Chillidaren lana ikertu nahi dutenentzat nazioarteko erreferente bihurtuko dela: beti ere, Chillida Leku museoarekin batera.

Bestalde, Frankfurteko fakultateak konpromisoa hartu du lehen bi urteetan nazioarteko maila handiko sinposioa egiteko, Eduardo Chillidaren obraren inguruan.

Katedraren egitaraua

Hau da 2013an Eduardo Chillida Katedrak duen egitaraua:

-”Espazioa, denbora, materia. Eduardo Chillida eta eskultura modernoaren erronka” : sei saio bikoitz (ostegunetan); Apirilak 18, Maiatzak 2, Maiatzak 23, Ekainak 6, Ekainak 13, Uztailak 4. 14:00-17:00 ( saio bakarra luzeagoa 14:00-18:30)

-“Lekuaren esanahia Artean. Chillidaren erakusketa espazioetatik enkontru espazioetara”: sei saio bikoitz (ostiraletan): Apirilak 19, Maiatzak 3, Maiatzak 24, Ekainak 7, Ekainak 14, Uztailak 5. 10:00-13:00 ( saio bakarra luzeagoa 10:00-14:30)