euskalkultura.eus

euskal diaspora eta kultura

Albisteak rss

Concepcion del Uruguay-ko 'Ibai Txori' Euskal Etxeko dantzariak, partaide gaur hiriaren 228. urtebetetzean

2011/06/25

'Ibai Txori'ko lehendakari Lucia Arcelus Joseba Etxarrirekin Concepcion del Uruguay-ko Euskal Etxearen egoitzan, EuskalKultura.com-eko zuzendariak bertara egindako bisita batean (argazkia EuskalKultura.com)
'Ibai Txori'ko lehendakari Lucia Arcelus Joseba Etxarrirekin Concepcion del Uruguay-ko Euskal Etxearen egoitzan, EuskalKultura.com-eko zuzendariak bertara egindako bisita batean (argazkia EuskalKultura.com)

PUBLIZITATEA

Concepcion del Uruguay-ko 'Ibai Txori' Euskal Etxeko dantza taldea partaide izango da gaur larunbata ekainaren 25ean hiriaren 228. urteurrena ospatzeko antolatutako ekitaldietan. Ibai Txori Argentinako Entre Rios probintziako euskal elkarteetako bat da, Concordia, Parana eta Victoriakoekin batera.

Concepcion del Uruguay, Argentina. Concepcion del Uruguay-ko 'Ibai Txori' Euskal Etxeko dantza taldea partaide izango da gaur larunbata ekainaren 25ean Uruguay ibaiaren mendebaldeko edo argentinar ertzean kokatzen den hiri honen 228. urteurrena dela-eta antolatutako ekitaldietan.

Euskal dantzariekin batera arituko dira bertako Haur Abesbatz Minipolifonikoa eta Santa Lucia delakoa, eta Villa Elisako piamontetarren ondorengoen taldea.

Egunez, Concepcion del Uruguay-en 228. urteurreneko ospakizuna goizeko 10:30etan gauzatuko den protokolozko ekitaldi batera bildu du Udalak, hiriaren fundatzaile izan zen Tomas de Rocamoraren estatuaren aitzinean, ondotik, eguerdiko ordubietatik goiti familia giroko jaialdia egingo delarik sarrera libre eta kitorik.



« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia