Buenos Aires, Argentina. Buenos Airesko Euskaltzaleak elkarte eta euskaltegiak aurrez-aurrekoa egingo du aurtengo bere lehenengo topaketa. Datorren ostegunean izango da, martxoaren 4an, aukera baliatuz bat egiteko Martxoaren 8arekin, Emakumeen Eguna. Elkarretaratzean, Carlos Gabilondo eta bere Euskal Zinema Ibiltaria lankide, Elena Tabernaren 'Acantilado' (2016) filma eskainiko dute Emakumeen Eguna gogoan hain zuzen, omenaldia eginez zuzendari nafar honen ibilbide oparoari.
Filma, egiazki gertatutako kasu batean oinarrituta, Lucía Etxebarriaren 'El contenido del Silencio' nobelaren bertsio librea da eta film labur bat lagun pantailaratuko du Gabilondok, ondoren, ohi bezala, debate bati ekiteko.
Hitzordua Centro Cultural "El Limonero" Kultura Etxean antolatu du Euskaltzaleak-ek, Salguero 668, CABA, 20:00etan. Aurtengo lehenengo ekitaldia izateaz gain, lehenengo elkarretaratze presentziala ere izango da, leku handiagoan espazio eta tarte handiagoekin osasuna hobeto zainduko delakoan, beti ere elkartzeko eta partekatzen segitzeko aukerak sortzearen alde lanean segitzeko asmotan.
Euskaltzaleak - Buenos Airesko euskal elkarte eta euskaltegia
Webgunea: https://euskaltzaleak.org.ar
Facebook: https://www.facebook.com/euskaltzaleak
Twitter: https://twitter.com/idiomavasco
Instagram: https://www.instagram.com/idiomavasco
Lagun bati bidali
Komentarioa gehitu
