Londres, Ingalaterra. Beatriz Chivite poeta nafarraren 'Metro' poema-liburua ingelesez irakur daiteke dagoeneko, Ingalaterrako Francis Boutle Publishers argitaletxe independenteak 'The Blue Line, Poems in Basque' izenburupean kaleratu duen euskara-ingelesa edizio elebiduna medio. Londresko metroan doazen pertsonak hartzen ditu 'The Blue Line'n egileak hizpide. Francis Boutle argitaletxearen apustua Europan gutxiago erabiltzen diren hizkuntzei arreta eskaintzea da.
Liburuaren izenburuko Blue Line, Londresko metroko Piccadilly Line da, hiria Heathrow aireportutik iparraldeko aldirietaraino zeharkatzen duena. Poema bilduma honetan poetak "lurrazpitik bidaiatuz ikusten dituen pertsonen bizitza irudikatzen du: turista, ikaslea, arrosa urdina ilean daraman neska, hiru eguneko bizarreko unibertsitate irakaslea, astearte arratsaldean The Economist irakurtzen ari zen gizona... guztiak libururatzen zaizkio erretratu samur, zorrotz, umoretsu eta batzuetan tragikoetan eta elkarrizketa irudikatuetan".
Liburua salgai dago Erresuma Batuan eta lana "euskal poesia bilduma elebidun bakarrenetako" gisa aipatu du argitaldariak sare sozialetan.
-Beatriz Chiviteren sei izenburu: https://www.todostuslibros.com/autor/chivite-ezkieta-beatriz
-Argitaldariaren webgunea: https://francisboutle.co.uk
-Argitaldaria Twitterren https://twitter.com/fbpublishers
Lagun bati bidali
Komentarioa gehitu
