euskalkultura.eus

Bilbo, Bizkaia. Urtarrilaren erdialdean aurkeztu du Azkue Fundazioak EuskalPlay izeneko webgunea. Ekimen honen bidez Bilcon egoitza duen fundazio euskaltzale honek euskaraz jolasteko eta ikasteko online joko sorta eskaintzen die mundu osoko erabiltzaileei.

EuskalPlay webguneak bederatzi joko eskaintzen ditu; horien bitartez euskara era didaktiko eta entretenigarriz praktikatzeko aukera daukate bisitariek. Joko bakoitzak euskararen inguruko eduki bat lantzen du: euskalkietako hitzak ikasi, sinonimoak bilatu, euskarazko hitzen jatorriari buruz ikertu, esaerak landu, euskalkien ibilbidea ezagutu edo gai ezberdinei buruzko hiztegia landu... Formatoz ezberdinak dira, jolastea entretenigarriagoa egiteko: badaude bikoteek egiteko ariketak, hitzen salda, esaldiak osatu, komikiak osatzea…

Azkue Fundazioak azaldu duenez, plataformaren erabilpena doakoa eta guztiz zabala. Publiko orokorrari zuzendutako garapena da, baina ikastetxeetan erabilgarria izango delakoan ere, joko bakoitzean ikasketa ze mailatarako zuzenduta dagoen azaltzen da, etiketa baten bidez.