Vitoria-Gasteiz. Eusko Jaurlaritzak onespena eman zion atzo astearteko Kontseiluan, munduko Euskal Gizataldeetan premia larrian dauden herritarren egoera eta laguntza-beharrei aurre egiteko 2020ko Deialdiari. Orain artean bezala bezala, dirulaguntzok Euskal Etxeak bitartekari bideratuko dira, eta orotara 202.000 euro zuzkidura izango dute. Atzo onartutakoa datozen egunetan argitaratuko du EHAA buletin ofizialean, eta hortik aurrera hilabete bateko epea zabalduko da eskabideak aurkeztu ahal izateko.
Eskatzaileek euskal gizataldeko kidea direla eta atzerrian bizi direla egiaztatu beharko dute; eta dauzkaten beharrei edo premia larriko egoerei aurre egitea ahalbidetzen duten ondasunik edo diru-sarrerarik ez edukitzea; eta etxe partikularretan bizi beharko dute, araudi edo estatutuengatik laguntza eman behar dieten talde, komunitate edo erakundeen kide izan gabe.
Deialdia datozen egunetan emango du argitara EHAA buletin ofizialak eta argitaratu eta biharamunetik aurrera hilabeteko epea zabalduko da eskabideak aurkeztu ahal izateko. Egoera honetan bazaude, kontaktatu zeure euskal etxearekin edo hurbilen duzunarekin (eurak izango dira bitartekari), hurbilen duzun Euskadiren Ordezkaritzarekin edo zuzenean Kanpoan den Euskal Komunitatearentzako Zuzendaritzarekin argibide edo xehetasun bila (euskaletxeak@euskadi.eus).
Lagun bati bidali
Komentarioa gehitu
