euskalkultura.eus

Gral. Las Heras, Argentina. Hamaika ekintza antolatu dituzte herritarren eta bisitarien artean burutzeko Gral. Las Heraseko Zazpirak Bat Euskal Etxeko kideek. Izan ere partaidetza handia espero da joan den larunbatean hasitako Urte Amaierako Euskal Astean. Egitaraua Gomazko Paleta Txapelketa batekin hasi zen azaroaren 24an eta Mus Txapelketarekin jarraituko du gaur eta bihar. Ekintzak, ordea, areagotuz joango dira igandeko bazkari eta dantza ikuskizuna iritsi arte. Hona aktibitateen programa, euskal etxetik jakin arazitakoari jarraiki:

-Azaroaren 26an eta 27an. Mus Txapelketa El Avion jatetxean. Antolatzailea Roberto Moggia da. Informazio gehiago eskuratzeko, zazpirakbat.lh@gmail.com helbidera

-Azaroaren 29an. ‘Zer espero dute enpresek kontratatzen duten pertsonengandik?’ izenburupeko hitzaldia emango du Ricardo Basterra FEVAko lehendakariak bokaziozko orientazioari buruzko mintzaldien zikloaren baitan. Ziklo hau herriko eskoletan garatuko du euskal etxeak

-Azaroaren 30ean. 20:30etan, Gernikako Bonbardaketaren 75. urtemuga ospatzeko, ‘Los Niños de Gernika Tienen Memoria’ dokumentala proiektatuko da Udaleko Aretoan. Cesar Arrondo irakasleak izango du gaia aurkezteko ardura. Filma bukatzean, Gral. Las Heraseko Plaza Nagusian haritz bat landatuko eta plaka bat desestaliko dute euskal etxeko kideek gonbidatuek lagunduta

Herri kirolak

-Abenduaren 1ean
15:00etan,  Sega Txapelketa
17:00etan, Plater tiro Txapelketa

-Abenduaren 2an
-8:00etan, oin-lasterketa irekia publiko orokorrari. Aizkolari eta Trontzalari Txapelketa. Sokatira. Herri kiroletan parte hartzeko, jar zaitez harremanetan euskal etxearekin helbide honetan: zazpirakbat.lh@gmail.com.

-Herri kirolak amaitzean, dantza ikuskizuna euskal etxeko Iturri Zaharreko Ur Berria dantza taldearen eskutik

-13:30etan, Bazkari ‘criolloa’ San Luis Gonzaga Institutuko kiroldegian. Lehiaketen sari-banaketa. Musika eta dantzak. Sarrera salgai daude. Informazio gehiago eskuratzeko, zazpirakbat.lh@gmail.com helbidera

Lehenengo Zuzendaritza Batzordea

Beste alde batetik, Gral. Las Heraseko Zazpirak Bat Euskal Etxetik jakinarazi digute azaroaren 2an ospatutako bilera batean euskal erakundearen sorrera ofiziala gauzatu zela. Bilkuran estatutua irakurri eta instituzioko lehenengo Zuzendaritza Batzordea hautatu zen ofizialki.

[Abenduaren 2ko bilkuran, Luis Echegaray buru duen instituzio berriaren Estatutua irakurri zen (argazkiaEE)] 

Arduradunek plazaratu dutenez, Zazpirak Bat-eko agintarien zerrenda honela geratu da osatuta:

-Lehendakari: Luis Alberto Echegaray
-Lehendakariorde: Roberto Calligo Chutchurru
-Idazkari: Jorge Ignacio Apaolaza  
-Diruzain: Tomas Etchepareborda

-Batzordekide Titular: Marcelo Carlos Zamudio
-Batzordekide Titular: Monica Otermin
-Batzordekide Titular: Mario Gutierrez
-Batzordekide Titular: Susana Maiz
-Batzordekide Titular: Sergio Gonzalez

-Kontu Ikuskatzaile Titular: Veronica Llorente
-Kontu Ikuskatzaile Titular: Alejandro Arrausi
-Kontu Ikuskatzaile Titular: Natalia Bilbao

-Kontu Ikuskatzaile Ordezko: Clyde Berho
-Kontu Ikuskatzaile Ordezko: Maria Delia Saldubehere