euskalkultura.eus

euskal diaspora eta kultura

Albisteak rss

Necocheako Euzko Etxea-k antolatu 2011ko Euskal Argentinar Aste Nazionaleko argazki-kronika (I)

2011/11/15

Necocheako Euskal Asteko herri kirolak hondartzan, partaideak Euskal Asteko elastikoak daramatzatela (argazkia EuskalKultura.com)
Necocheako Euskal Asteko herri kirolak hondartzan, partaideak Euskal Asteko elastikoak daramatzatela (argazkia EuskalKultura.com)

PUBLIZITATEA

Bukatu berria da aurtengo euskal astea baina oraindik makina bat hitz, irudi eta sentimendu dauzkagu gure irakurleekin partekatzeko. Argentinako bazter askotako lagunak bildu ziren pasa den astean Necochean Euskal Herriarekiko euren engaiamendua berresteko. Eta nahiz eta kasu askotan kilometro ugari egin behar izan, hori ez zen oztopo bihurtu hitzaldi, kirol, kanta, dantza eta, nola ez, parrandaz gozatu ahal izateko. Urtero bezala, EuskalKultura.com jaiaren partaide eta lekuko izan zen. Hona hemen ekitaldietako I. argazki erreportajea.

Necochea, Argentina. Argentinako euskal kolektibitateak bere jairik handiena ospatu zuen azaroaren 7tik 13ra kostaldeko hirian. Astean zehar, Necocheako euskaldunak eta festan parte hartzeko bertara propio bildutako lagunak euskal kultur proposamenetan murgildu ahal izan ziren ikuskizun, hitzaldiei... edota baso bat sagardori eta euskarari esker. Argazkiz osatutako jarraiko artikulu honetan euskal astean berriro murgiltzera gonbidatzen zaitugu.

Necocheako euskal astea I 2011 01A

[Argentinako hainbat euskal etxetan aurkeztu ondoren, Cesar Arrondok Euskal Herria: nazio baten historia laburra” hitzaldia eman zuen ostegun gauean, Necocheako Euzko Etxea-n (argazkia EuskalKultura.com)]

Necocheako euskal astea I 2011 01B

[Dudarik gabe, Aukeran Dantza Konpainiak arrasto sakona utzi du dantzari eta publiko orokorrarengan. Irudian, ostegunean euskal etxean egin zuen aurkezpen laburra, 'zintzur bustitzaile' (argazkia EuskalKultura.com)]

Necocheako euskal astea 2011 01C

[Sagardotegi eguna: Euskal Herriko sagardotegietako menua eta giroa ere Necochean, Euskal Etxeko kantxan ipinitako mahaietan (argazkia EuskalKultura.com)]

Necocheako euskal astea 2011 01

[Ostiral eguerdian hasten dira heltzen euskal etxe askotako ordezkaritzak. Hori dela eta, gazteei begira antolatutako herri kirolak ostiral arratsaldean egin ziren. Lehiaketak hondartzan izan ziren eta nahiz eta azken momentuan euri-zaparradak pentsatu baino lehenago amaitzera behartu zuen, nahikoa denbora egon zen argazkiak erakusten duen lasterketa bezalako batzuk gauzatzeko (argazkia EuskalKultura.com)]

[Eta herri kirolak praktikatzen direnean, soka- tira ezin da kanpoan geratu (bideoa EuskalKultura.com)]

Necocheako euskal astea 2011 02

[Abesbatzen emanaldia Karmengo Parrokian izan zen. Necochea bertako Coral del Mar talde anfitrioiak Maria Elena Walsh-en pot-pourri bat eskaini zuen (argazkia EuskalKultura.com)]

Necocheako euskal astea 2011 03

[Martin Tumbarinoren zuzendaritzapean, Tandilgo Gure Abestiak euskal abesbatzak Euskal Herriko klasiko batzuk landu zituen, tartean, Maitea Non Zira eta Soy de Santurce (argazkia EuskalKultura.com)]

Necocheako euskal astea 2011 04

[San Luiseko Villa Mercedeseko Camerata de la Luna-k ere hartu zuen parte Koruen emanaldian. Francisco Mensa-ren abeslariek Javi Busto egile euskaldun ospetsuaren pieza batzuk kantatu zituzten. Bukatzeko, berriz, Kale estua-Calle angostaren beren bertsioa aukeratu zuten (argazkia EuskalKultura.com)]

[Emanaldiari amaiera emateko, euren ahotsak batu zituzten hiru koruek Agur Jaunak abesteko (bideoa EuskalKultura.com)]

[Aukeran Dantza Konpainiak Gernika ikuskizuna aurkeztu zuen antzokian (bideoa EuskalKultura.com)]

Necocheako euskal astea 2011 05

[Musikarekin jarraituz, ostiral gauean Drindots-en txanda heldu zen. Musikari euskaldunek kanta eta dantzarazi zituzten euskal asteko gazteak ordu txikiak arte (argazkia EuskalKultura.com)]

[Necocheako Euzko Etxea-k urtero egiten duen Hator Hona gazte proiektuko lagun batzuk Euskal Astean parte hartzera etorri ziren. Bideo honetan, Drindots taldearekin ostiraleko erromerian, bertan bizi izan zen giroaren adierazle (bideoa EuskalKultura.com)]

(bihar segituko du)



« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia