euskalkultura.eus

Donostia-San Sebastián. Interes handia piztu du Euskal Kultura Saileko liburu sorten zozketak, eta agindu bezala, hemen dira bost irabazleen izenak: 

-Lidia Martha Etchart, Pilar, Buenos Aires, Argentina
-Maria Angelica Irazabal Arrospide, Trinidad, Flores, Uruguai
-Miren Edurne Rementeria Artiach, Boise, Idaho, Estatu Batuak
-Bernadett Hajdu, Albertitsa, Hungaria
-Marcial Agostini Zubillaga, La Plata, Argentina

Datozen egunetan etxean jasoko dituzte Etxepare Euskal Institutuak Euskal Kultura Sailean orain arte argitaratu dituen hamar liburuak. Hirueletan (euskara, gaztelania eta ingelesa) plazaratu dira liburuok, beraz irabazleek ulertzeko arazorik ez dutela izango espero dugu, izan Uruguaien edo izan Hungarian.

Partaidetza handia

Zozketak sortu duen interesa handia izan da. Partehartzaile batzuk Euskal Herrikoak izan dira, baina gehienak, zalantza izpirik gabe, kanpotik heldu zaizkigu: Txile, Argentina, Venezuela, Espainia, Frantzia, Holanda, Estatu Batuak, Uruguai, Mexiko, Kolonbia, Brasil, Alemania, Peru, Australia, Italia, Kanada, Zeelanda Berria, Erresuma Batua, Errusia, Hungaria, Txekia eta Gales.

Nazioartean, Argentinatik etorri zaizkigu partaide gehienak, asko eta asko euskal etxeak dauden herrietakoak. Halabaina, euskal kulturari buruzko liburu sorta honek Diasporako euskal komunitateaz gaindi ere sortu du jakinmina. Horrela, leku berrietatik ere jaso ditugu partehartzeak. Hona batzuk:

-Holandan: Wageningen
-Frantzian: Villeneuve-la-Garenne
-Estatu Batuetan: Murrells Inlet (SC),  Fairfield (CT), Pacifica (CA), Chicago (IL), Medford (Massachusetts), Archdale (NC), Olympia (WA)
-Alemanian: Konstanz
-Kanadan: Alberta
-Italian: Pellaro di Reggio, Calabria
-Zeelanda Berrian: Auckland
-Hungarian: Albertitsa
-Txekian: Praga, Uherske Hradiste
-Erresuma Batuan: Hastings, East Sussex
-Errusian: Mosku
-Galesen: Ceredigion

Denon artean egiten dugun EuskalKultura.com leku berri hauetara iristen dela pentsatzeak biziki pozten gaitu, beraz esker mila zozketan parte hartu duzuen guztioi!

Eta oraingoan zorterik izan ez duzuenoi, gogoratu Etxepare Euskal Institutuaren webgunean liburuak PDF formatoan deskarga ditzakezuela, doan.