Vatikano Hiria. Argentinan bizi eta lan egiten duten berrogei gizataldeko ordezkari Frantzisko Aita Santua bisitatu zuten atzo Vatikanon, Argentinako Giza Eskubide eta Aniztasun Kulturaleko idazkari Claudio Avruj-ek antolatutako elkarretaratze batean. Bisitan “Argentina, Mosaico de Identidades” (Argentina, identitate bilgune) izeneko adierazpena eman zioten Aita Santuari, besteak beste migranteen, kolektibitateen eta errefuxiatuen eskubideak babesteko helburua duen ekimen eta agiria.
Euskal gizataldeko ordezkari Arantxa Anituak bidaiatu zuen, Buenos Airesko Laurak Bat Euskal Etxeko lehendakaria bera, eta FEVAko lehendakariordea izateaz gain, Buenos Aires hiriburuko Kolektibitateetako Emakumeen Sareko kide ere badena.
Bisita, “historikoa eta aurrekaririk gabekoa”, La Nacion egunkari argentinarraren arabera, emozioz beterik egin zuen ordezkaritzak eta bukatutakoan argazkia egin zuten kolektibitateetako ordezkariek Vatikano aurrean.
Lagun bati bidali
Komentarioa gehitu
