euskal diaspora eta kultura
2015/11/05
Dantzarien Emanaldua Euskal Asteko ekintza nagusietako bat da eta aurtengoak ere maila handia lortu du. Baina nagusia izanik ez da batere izan dantza egiteko aukera bakarra, eta urtero bezala, aurten ere edozein momentu baliatu dute musikariek euren tresnak astindu eta dantzariei "beste fandango bat" eskaintzeko. Euskalkultura.com-eko artikulu honetan, larunbat gaueko dantza ikuskizunaren bigarren zatiaren eta erromeriaren irudi bidezko kronika.
2015/11/05
"Chez les Basques" zikloa Iruñeako Punto de Vista zinemaldian aurkeztu zen eta orain, Euskal Kultur Erakundearekin lankidetzan, Iparraldeko hainbat herrietan izango da ikusgai, larunbatetik azaroaren 15a arte. Saio oso bereziak izango dira, pelikula hauek grabatu ziren herrietan bertan ikusi ahalko direlako. Emanaldiak egingo dira Iruñean, Donibane Lohizunen, Ortzaizen, Maulen, Donapaleun, Donibane Garazin eta Biarritzen, besteak beste.
2015/11/04
Bartzelonako Euskal Etxeak lan eskaintza baten berri eman du: elkartea koordinazioaz arduratuko den norbaiten bila ari da. Pertsona honek sail desberdinen (euskara, kultura eta txokoa) koordinazioaz gain, ekonomiaren, kanpo harremanen, komunikazioaren zein juntaren koordinazioaren ardura izango du. Hautagaitzak aurkezteko epea hilaren 13an itxiko da.
2015/11/04
Bururatu berria den 2015eko Macachingo Euskal Aste Nazionalak utzi duen --gaurko beste artikulu batean eta bihar argitaratuko dugun bere segidan aipagai hartzen den larunbat gaueko ikuskizun artistikoaren baitan gertatua-- ekintza sinboliko ederra izan da Lehendakariaren ordezkari etorritako Josu Erkoreka Jaurlaritzako sailburu eta bozeramaleak Iñaki Unamuno Macachingo Euskal Etxeko lehendakariari dantzatutako ohorezko aurreskua.
2015/11/04
Hogeitik gora euskal etxetako dantza taldeak izan ziren protagonista 2015eko Macachingo Euskal Aste Nazionaleko larunbateko gau emanaldian. Eta betiko ikuskizun txukun eta hunkigarria lortu zuten, Euskal Herriko dantza tradizionalenak eta bateonbat modernoagoa taularatzen. Larunbateko ekintzak, hala ere, goizean hasi ziren, bilerak, hitzaldiak, txangoak eta danborrada barne.
2015/11/03
Azkar baino azkarrago pasatu da asteburua. Amaitu berria den 2015eko Euskal Aste Nazionalak, ordea, bihotzean luzaro gordeta izango ditugun hainbat irudi eta oroipen polit utzi dizkigu. Urtero bezala, EuskalKultura.com Argentinako euskal jai handienaren lekuko eta partaide izan da eta, urtero bezala ere, baliabide bihurtuko da irakurle bakoitzak bere argazki galeria propioa osa dezan. Hona ostiraleko momentu adierazgarrienetako batzuk.
2015/11/03
Urriaren 24an ospatu zuten New England-eko Euskal Etxeko kideek (AEB) urteroko Sagardo Eguna. 80 lagun baino gehiago bildu zirela esan diote arduradunek EuskalKultura.com-i. Herri kirolak, jatekoa, hitzaldi bat eta, lehenbizikoz, sagardogintza ere zuten programatua. “Ederto baten” aritu zirela adierazi du Roberto Guerenabarrena kideak.
2015/11/03
Kanariar Uharteko, Kataluniako eta Euskal Herriko inprobisatzaileak elkarrekin kantuan ariko dira Bartzelonan azaroaren 6an eta 7an, "Europa bat-batean" izeneko egitasmoaren baitan. Irailean Leonen egin ziren eta, Bartzelonatik igaro ondoren, udaberrian eta udan Euskal Herrian izango dira saioak nazioarteko ordezkariekin, Donostia 2016 Europako Kultur Hiriburuarekin elkarlanean prestatutako proiektuaren barruan.
2015/11/02
Bozkarioa giro eta gustura bertan bizi izandako programa, harrera eta arretarekin bukatu zen atzo La Pampako Macachinen 2015eko Euskal Aste Nazionala. Parte hartzaileak zein antolatzaileak bat etorri ziren baioespen onarekin. Izan ere, hori guztia berdintzen erronka polita utzi diote Euskal Astearen lekukoa jaso eta 2016ko edizioko antolatzaile izango den Necocheako Euzko Etxeari. Artikulu honetan pasa den asteburuko Macachingo errepaso orokorra egingo dugu, baina bihartik aurrera eta aste osoan zehar 2015eko Euskal Aste Nazional argentinarrak eman duenaren kronika grafiko zehatza eskainiko du EuskalKultura.com-ek.
2015/11/02
Ostegun honetan abiatuko da Berlingo 3. Euskal Zinemaldia, bertako Gernika Deutsch-Baskischer Kulturverein euskal etxeak antolatuta. Lau egunetan bost film izango dira ikusgai: "Lasa eta Zabala", "Amaren eskuak", "Echeverriatik Etxeberriara", "Ateak zabalduz" eta amaitzeko "Loreak", Oscarretarako hautagaia. Horiez gain hil honetan hitzaldiak, proiekzioak, idazle topaketak eta irakurraldiak egingo dira Berlinen.
PUBLIZITATEA
PUBLIZITATEA
PUBLIZITATEA
PUBLIZITATEA
PUBLIZITATEA
© 2014 - 2019 Basque Heritage Elkartea
Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus
