euskal diaspora eta kultura
2015/11/10
Oscar sarietarako lehia berri onak ematen ari da aurten euskal zinemarentzat, bi euskal filme baitabiltza burubelarri sartuta. Batetik, "Loreak", AEBetako zinematan ikusgai dagoena (aste honetan Washington-en) eta kritika bikainak jasotzen ari dena. Bestetik, "Minerita" laburmetraia, dagoeneko azken hautagaiak aukeratzeko erabiliko den zerrenda murriztu edo "shortlist" delakoan sartu dena.
2015/11/10
Saltoko Euskaldunen Taldea euskal etxeak deiturik, ‘XXI. Mendea. Uruguaiko Euskaldunen Biltzarreko Lehen Bilera’ izeneko Foruaren lehenengo elkarretaratzea Salto hirian egin da, bost elkarte partaide. Bilkuran Uruguaiko euskal elkarteen gaur egungo egoera eta euren arteko eta Eusko Jaurlaritzarekiko harremanei buruz mintzatu ziren. Antolatzaileak gustura daude ekintzaren emaitzekin, “Foroa osatu dugulako eta parte hartu duten elkarteak gaur egun aktiboak direnak direlako”, adierazi du ekimenaren bultzatzaile nagusietako bat den Luis Zaldua Saltoko Euskaldunen Taldeko lehendakariak..
2015/11/10
Bere aitzinaldea, goiko pisuetan ari da berritzen Gure Ametza, baserri forma emanez. Euren txokoa edo ‘taberna tematikoa’ izatea dute xede eta pixkanaka indar handia eta dirutza ari dira jartzen Rio Cuartoko euskal etxeko lagunak proiektua gauzatu ahal izateko. Egun hauetan, obratan dago egoitza eta ondorioz azaroan ez da bertan ekintzarik antolatuko. Abenduan, ordea, atzera datoz ekitaldiak Gure Ametzan, Euskararen Eguneko jaia eta Urte Amaierako festa ospatzeko.
2015/11/09
EuskalKultura.com-ek zozketatzen duen proiektagailuaren zozketaren bigarren fasea: gaurtik azaroaren 21eraino, 24:00etan (Euskal Herriko ordua), zabalik daukazu epea proiektagailua zein euskal etxerentzat izango den erabakitzeko. Zure emaila ateratzen bada, zeure izenean emango zaio saria euskal etxeari. Euren hautagaitza baldintzak betez aurkeztu duten 21 etxeen artean hauta dezakezu (zoritxarrez, zenbait euskal etxe kanpoan geratu dira emaila epez kanpo bidaltzeagatik).
2015/11/09
Hogeita bederatzi urteko macachindar hau Euzko Alkartasunako kide da Pamparen bihotzean, honelaxe izena baitu, izan ere, Argentinako Euskal Aste Nazionalaren 2015eko edizioko anfitrioi izan den euskal etxeak. Azaroko lehenengo igandean amaitua, euskal argentinarren urteroko hitzordu nagusi den Euskal Asteak gure solaskidearen eta beste lagun askoren sinergia bildu du aurten, bertako euskaldunak ezezik macachindar ez-euskaldunak ere harreragile eta abegikortasun emaile eskuzabal izan baitira, 7.000 biztanletara iristen ez den herri pampatarrak bere onena emanik aurtengo elkarretaratzea bereziki atsegin eta arrakastatsu izan zedin.
2015/11/09
Iragan larunbatean hasi eta datorren igandea arte ikusgai izango da Washington-en Bego Anton argazkilari euskaldunaren "Everybody likes to ChaChaCha" erakusketa. Hiri estatubatuarreko zortzigarren FotoWeekDC Festival jaialdiaren parte da erakusketa, eta txakurrekin dantzan ari diren pertsonen argazkiek osatzen dute euskaldunaren lana.
2015/11/06
Aste osoan zehar Macachinen gailendu zen giro ederra igandeko azken aktibitateetan ere nagusitu zen. Hori dela eta, apur bat zaila izan zen bai antolatzaile bai gonbidatuentzat ‘agur’ esatea. Hala ere, 2016ko Euskal Aste Nazionala iragarrita dago eta Necochea izango da helmuga. Hitzorduari itxaroten diogun bitartean, hona Macachingo Euskal Astearen azken irudiak.
2015/11/06
Cowboy txanoak, kuadrozko alkondarak, karrokanpoak, zaldiak... Egun batez Oesteko herria bihurtu zen Mendata aurtengo Artzain Eguneko festan, Ameriketara joan ziren euskaldun haiei omenaldia egiteko modu berezian. Festak lagun asko erakarri zituen herrira eta bertakoak buru-belarri inplikatu ziren --gauzak antolatuz, mozorrotuz, parte hartuz-- Far Westeko giro honetaz gozatzeko. Ekimenak arrakasta itzela izan zuen eta hurrengorako Urdaibai osora zabaldu nahi dute ideia.
2015/11/06
Boiseko (Idaho, AEB) alkateak, David H. Bieter-ek, Udal hauteskundeak irabazi ditu eta, beste lau urtez, estatuko hiriburuko burua izango da. Alde handiarekin irabazi du, gainera, botoen %68,8a eskuratuta, Judy Peavey-Derreta aurkari politikoaren hirukoitza ia, %26,4a jaso baitu azken honek. Elkarren segidako lau hauteskundeetan garaile aterata, historia ere egin du Bieter jaunak, ez baitzuen bertan hori inork lortzen 1891. urtetik.
2015/11/05
Igande hau azken eguna izango dute eukal etxeek, EuskalKultura.com-ek hilabete honetan bertan zozketatuko duen proiektagailuaren zozketan parte hartzeko izena emateko, Gogoratu igandea eta gero, epea zabalduko dela, gure buletineko irakurleek, euren hautagaitza aurkeztu duten euskal etxeen artean hautatzeko eta emaila b idaltzeko euren hautuarekin. Baldintzak betez (ikus arauak) jasotako email guztien artean zozketatuko da Epson proiektagailua.
PUBLIZITATEA
PUBLIZITATEA
PUBLIZITATEA
PUBLIZITATEA
PUBLIZITATEA
© 2014 - 2019 Basque Heritage Elkartea
Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus
