euskal diaspora eta kultura
2008/02/05
Santa Ageda Idahoko Boiseko Euskal Etxeraino iritsi da aurten. Iragan urtarrilaren 26an, ia laurehun pertsonaren aurrean, dozena bat haur eta helduk egun berezi honetako koplak kantatu zituzten jendeak afaltzen zuen bitartean. Mahaikideek koplen letra eta ohituraren azalpen testu bat agerian eduki zuten momentu oro festa ahalik eta ongien jarrai zezaten.
2008/02/05
Andoni Mutiloa eta Bakarne Odriozola, Boiseko eskolako bi irakasleak, Hernanikoak dira eta AEBko Idaho estatuko herrialde honetan ekintza bitxia bururatu zitzaien Santa Agedako tradizioa zela-eta: bideoarekin haurrak grabatu zituzten festa honetako koplak kantatu eta makilekin erritmoa eramaten zuten bitartean. Gainera, ume baten amonak tradizio honen jatorria azaldu zien atzo haurrei. Irudiak beherago daude ikusgai.
2008/02/05
Nearly 400 people packed the dance hall at Boises Basque Center for their annual members dinner and business meeting.
Before dinner was served, the Euzkaldunak members were entertained by several students, teachers and parents of the Boise Ikastola. In honor of Santa Ageda, the group sang traditional songs and pounded sticks in celebrate of the feast day. Zorion etxe hontako denoi,
oles egitera gatoz,
aterik ate ohitura zaharra
aurten berritzeko asmoz. Ez gaude oso aberats diruz,
ezta ere oinetakoz.
Baina eztarriz sano gabiltza,
ta kanta nahi degu gogoz...
2008/02/04
Datorren martxoaren 15ean FEVAk (Eusko Argentinar Bazkun Alkartasunak) hauteskundeak egingo ditu Zuzendaritza Batzordearen zati bat berritzeko. Hautatuko dituzten karguak lehendakaria, idazkaria eta diruzaina izango dira, besteak beste. Oraingo lehendakariak, Mariluz Artetxek, esana du dagoeneko ez dela berriro aurkeztuko eta batzuk egungo zuzendaritza batzordearen ildoko zerrenda osatzen ari diren bitartean, beste zerrenda alternatibo bat ari osatze, 'probintzietako' euskal etxe talde batek zerrenda alternatibo bat osatzeari ekin dio, Alejo Martin, Cordobako Euskal Etxeko presidentea buru.
2008/02/04
Estatu Batuetan bizi diren bi lagunek aurten Nafarroara bidaiatzeko aukera izango dute AEBtako 2008 Nafar Astearen karietara antolatu den zozketa medio. Gaur bertan Miamin hasiko den Nafar Asteak Foru Erkidegoa Estatu Batuetan ezagutaraztea du helburu eta asmo horrekin Time Out New Yorkaldizkariak aipatu bidaia zozketako du honako galdera zuzen erantzuten duten pertsonen artean: Zein da Nafarroako likore tipikoa, basaran eta anisez egiten dena? Horrez gain, heldu den igandera arte nafar produktuen kanpainan parte hartzen ari diren New Yorkeko jatetxeen zerrenda bildu dugu datorren testura.
2008/02/04
Ertza dantza garaikide taldea nazioartean ibilbide arrakastatsua egiten ari da aspaldion eta datorren martxoan ere Europako beste puntan ariko da, emanaldia eskainiz Atenasen, (Grezia) eta ondoren Dijonen (Frantzia). Asier Zabaleta dantzari eta koreografoak zuzentzen duen talde honek sasoi onean bukatu zuen 2007a ere, 'EGO-tik' lana Peru, El Salvador, Costa Rica, Mexiko eta Errusian aurkeztuz itxi baitzuen urtea.
2008/02/03
Sei hilabete ere pasa ez direla lehenengo urrats publikoak eman zituenetik, joan den ostegunean egin zuen bere aurkezpen nagusia Bilboko Euskalduna Jauregian Innobasque Berrikuntzaren Euskal Agentziak. Erakunde berriak helburu anbiziotsua oso finkatu du: Euskadi erreferentzia bihurtzea Europan berrikuntza alorrean. Lanabes esanguratsuak bereganatu ditu horretarako: Euskal instituzioen babes handiaz gainera, proiektura ekonomi, gizarte, unibertsitate, zientzia eta teknologia alorretako 400 lider eta eragile erakarri ditu, bere barne batzordeetako partaide eta ekile. Iban Ociok sinatzen du artikulua Berria egunkarian.
2008/02/01
FIVU --Uruguaiko Euskal Erakundeen Federazioa, Federación de Instituciones Vasco Uruguayas-- elkarteak antolaturik, euskal jatorriko ehun bat gazte eta heldu bilduko dira otsailaren 14tik 17ra Río de la Plata delakoaren ertzean, Artigas-eko kanpaleku batean, euskal etxe uruguaitarren biltzaile den elkarte honek antolatutako udalekuaren laugarren edizioan. Ohi bezala, parte hartzaileak etxoletan egingo dute lo eta, joko eta jolasekin batera, euskal dantza, kantu eta kultura saioak izango dituzte, euren erroei dagokien ondarea hurbilago eta hobeto senti eta ezagut dezaten.
2008/02/01
Argentina izango da Josetxo Silguero irundarraren hurrengo geltokia. Martxoaren 10etik 26ra bitartean bere saxofoiarekin bira bat emango du Buenos Aires, Cordoba eta Rosarion. Denbora tarte horretan hiru kontzertu, bi tailer edo seminario eta bi klase emango ditu. Buenos Airesen joko duen bigarren aldia da eta hainbat konpositoreren lanak eramango ditu klasetara, hala nola, Gabriel Erkoreka, Alberto Posadas, Giacinti Scelsi edota Christian Lauba. Gainera, bertako konpositore den Jorge Sadekin batera lan berri baten aurkezpenean egingo du lan.
2008/01/31
Nafarroako presidente Miguel Sanz buru dela nafar erakunde eta merkatarien ordezkaritza zabal bat bidaiatuko da datorren astean Estatu Batuetara, Merkataritza Ganberak eta SODENAk antolaturik, foru lurraldearen irudia, ardoa eta elikagaiak Ipar Ameriketan sustatu eta ezagutarazteko asmoz. Nafarroako hogei enpresak hartuko du parte, aurten otsailaren 4 eta 5ean Miamin eta 6 eta 7an New Yorken garatuko den 'Estatu Batuetako Nafar Astea' izenekoan. Kointzidentziaz, joan den astelehenean, NYen zen Sanzberro nafar kontseilaria, munduko 'Ardo eskualde onenari' Wine Enthusiast saria jasotzen Errioxa sor-markaren izenean, Nafarroa, Araba eta Errioxa hunkitzen baititu aipatu jatorri izendapenak.
PUBLIZITATEA
PUBLIZITATEA
PUBLIZITATEA
PUBLIZITATEA
PUBLIZITATEA
© 2014 - 2019 Basque Heritage Elkartea
Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus
