2013ko Euskal Etxeentzako dirulaguntza deialdiaren edukia adierazi du Jaurlaritzak

2012/12/13

Mexiko DFko Euskal Etxea (argazkia Jose Asensio Larrinaga/CCBYSA)

PUBLIZITATEA

Datorren urteko Euskal Etxeentzako dirulaguntzen deialdia abenduaren 21ean argitaratuko da ofizialki Euskal Herriko Agintaritzaren Aldizkarian (EHAA), baina Euskal Herritar eta Gizataldeentzako Zuzendaritzak edukiak sarean jarri ditu, Euskadi.net/euskaldunak webgunean eta Euskaletxeak.net atariaren bitartez, adierazi dute aipatu Zuzendaritzatik. Eskabideak aurkezteko epea otsailaren 28an amaituko da.

Vitoria-Gasteiz. Euskal etxeetako arduradun eta kudeatzaileei laguntzeko asmoz, Euskal Herritar eta Gizataldeentzako Zuzendaritzak sarean jarri du 2013ko euskal etxeentzako dirulaguntza deialdiaren edukia. Ofizialki deialdia abenduaren 21ean da argitaratzekoa EHAAn eta orduantxe sartuko da indarrean eta irekiko da eskabideak bidaltzeko epea. Hala ere, eta Jaurlaritzatik azaldu dutenez, orain aurreratzen den informazio honi esker horretarako behar diren datuak eta dokumentuak biltzen has daitezke Diasporako elkarteak.

Aurtengo deialdiaren zuzkidura 1.234.667 eurotakoa izango da. Horietatik 934.667 euro V. kapitulurako (Ekintzak eta jarduera) izango dira; eta 300.000 euro VII. kapitulurako (Azpiegiturak).

-Deialdiaren edukiak ikusteko, jo hona
-Ebazpena eta eskabideak aurkezteko inprimakiak, hemen