euskalkultura.eus

euskal diaspora eta kultura

Albisteak rss

120 lagunentzako afari batekin bukatu dira Ayacuchoko 'Euskal Odola'-ren 7. urtemugaren ekitaldiak

2011/02/25

FEVAko ordezkari Adriana Hernandorena eta Ricardo Basterra, Fermina Mariezcurrena euskal etxeko lehendakaria eta Javier Zabaleta lehendakariordearekin
FEVAko ordezkari Adriana Hernandorena eta Ricardo Basterra, Fermina Mariezcurrena euskal etxeko lehendakaria eta Javier Zabaleta lehendakariordearekin

PUBLIZITATEA

Otsailaren 12an hasi ziren Ayacucho herriko 'Euskal Odola'ren 7. urtebetetzeko ospakizunak. Esker-emate meza, biziarteko bazkide berri bat izendatzea, prentsaurrekoa eta afari jendetsua izan dira otsail honetan gauzatu diren ekintza nagusiak. Euskal etxeak gonbidaturik, FEVAk eta udaleko agintariek hartu zuten parte joan den 19an egin zen afarian. Argentinako euskal federazioaren izenean, Ricardo Basterra lehendakaria eta Adriana Hernandorena kidea bertaratu ziren Buenos Aires probintziako herrira. Udalaren izenean, Kultur Zuzendaria den Mirta Martinez-ek lagundu zituen Ayacuchoko euskaldunak euren urteurrenean.

Ayacucho, Argentina. Bi asteburutan burutu dira Ayacuchoko 'Euskal Odola' Euskal Etxeko 7. urtemugako ekitaldiak. Izan ere, otsailaren 19an eta etxeko egoitzan bertan egindako afari batekin bukatu ziren. Afariaren aurretik, euskal etxeko kideek FEVAko ordezkariekin batera prentsaurreko bat eskaini zieten Ayacuchoko hedabideei. Testu-inguru honetan, euskal etxeak egiten duen lanari eta aurtengo proiektuei buruz mintzatu ziren 'Euskal Odola'-koak.

Ayacuchoko 'Euskal Odola' eeko 7. urtemuga 2011 01

[120 bat lagun bertaratu ziren 'Euskal Odola' euskal etxera urtemugako afarian parte hartzera]

Komunikabideekin elkartu ondoren, urtemugako afaria hasi zen EEko lehendakariaren ongi etorri hitzekin. Fermina Mariezcurrenak etxeko kideen poza eta gizatalde euskaldunarekiko engaiamendua azpimarratu zituen bere berbetan. Ondoren, Ricardo Basterrak gonbitea eskertu zuen, eta ondoren euskal etxeko eta federazioko ordezkariek opariak eman zizkioten elkarri. 

Ayacuchoko 'Euskal Odola' eeko 7. urtemuga 2011 02

[Sebastian Colavita eta Graciela Calo tango dantzariek nazioarte mailako ikuskizuna eskaini zuten]

Afarian 120 lagun bildu ziren, etxeko egoitza beteaz. Gaua dotoretasunez janzteko, nazioarte mailako bi artistek euren ikuskizuna eskaini zioten bildutako jendeari. Sebastian Colavita eta Graciela Calo tango dantzariek musikaz eta trebetasunez bete zuten Euskal Etxearen areto nagusia.



« aurrekoa
hurrengoa »

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia