euskalkultura.eus

Albisteak

Zingirako Euskaldunak-ek antolatutako XVII. euskal festak 800 pertsona baina gehiago bildu zituen Chascomús-en

2007/11/20

Urtero legez, Chascomús-eko Euskal Etxeko kideek ohiko euskal festa nagusia antolatu zuten bertako Bochístico klubean eta 800 pertsona baino gehiago bertaratu ziren ospakizunetara. Hitzordu hau zinez errotuta dago herrian eta aukera ematen die euskal jatorrikoak ez diren chascomustarrei euren auzo eta lagun euskaldunekin biltzeko euskal kutsuko ekitaldi batean eta, baita ere, Euskal Etxearen baitan lanean ari diren taldeen lana hurbilagotik ezagutzeko, urtean zehar egindako hamaika saio eta ahaleginen emaitza baita EEko haur eta gazteen taldeek bertara ikusgai daramatena.

Zingirako Euskaldunak-ek antolatutako urteroko euskal festa azaroaren hiruan ospatu zen eta Mesedeetako Amaren Katedralean egindako mezarekin ekin zitzaion egunari. Ondoren Independencia plazan landatuta dagoen Gernikako Arbolaren kimua bedeinkatu zen eta festa Chascomús-eko Bochístiko klubean garatuko zen erromeria jendetsuari pasatu zion lekukoa, eguna bertan zutelarik bertara bildutako zortziehundik gora jendeek.

[Dantzari txikien taldea euskal dantzen erakustaldi erdian]

[Haurrek Bochístico klubaren oholtza gainean dantzatu zuten Ikurriña handia atzean]

Aurten gainera Buenos Aireseko, La Platako, Necoecheako, José C. Pazeko eta Mar de Platako euskal etxeetako dantzariak ere bildu ziren Chascomuseko lagunekin bat egiteko. Horrez gain, Cañuelas eta Castelliko euskal etxeetako zenbait kideren bisita ere izan zuten Chascomúsen. Urtero moduan, alkatetza berria aukeratu zuten euskal festan eta Graciela Pecotche de Urrutibeheityk Adela Mendiburu de Bigattiri hartu zion lekukoa.


Lotura interesgarriak

Chascomuseko "Zingirako Euskaldunak" Euskal Etxearen berri
www.chascomus.com.ar webgunean

Iazko edizioa, XVI. Euskal Festa Chascomúsen
Euskalkultura.com-en argitaratua 2006ko urriaren 24an

---

---

Irakurrienak

• 2024/04/12
  Pintxo Gaua Chivilcoyn Amalur sukaldaritza taldearen eskutik, baita euskara eta helduentzako dantza eskolak ere
• 2024/04/17
  Protestak Valentzian, Generalitatek HEOetako euskara klaseak ezabatu ostean, 4 irakasle eta 120 ikasleri eraginez
• 2024/04/18
  2014ko Aberri Eguneko azken sorta Diasporan: hilabete eta erdiko epean egin dituzte euskal etxeek euren ospakizunak
• 2024/04/16
  BEOren 2024 euskal bekak AEBn: "Janariaren eragina euskal kulturan" gaiari lotutako obrak beharko dira aurkeztu
• 2024/04/22
  Saltoko Euskal Etxeak Harriague Astearen 6. edizioa eta Ardo Ondareak bertan 150 urte betetze izana ospagai hartu ditu

Azken komentarioak