euskalkultura.eus

euskal diaspora eta kultura

Albisteak rss

Uruguaiko Cinematecak 'Munduari euskarazko begirada bat' (sic) zinemaldia abiatuko du gaur Montevideon

2014/12/08

Ekitaldiaren egitaraua
Ekitaldiaren egitaraua

PUBLIZITATEA

Egitarau eta azalpen orriak ere euskaraz eta gaztelaniaz argitara eman dituen zinemaldi honek gaur arratsaldean abiatuko ditu saioak, Ipar Ameriketako euskal diaspora hizpide hartzen duen Amerikanuak (Nacho Reig, 2010) dokumentalarekin hain zuzen, Uruguaiko Cinematecaren aretoetan Montevideon, hiriburu uruguaitarreko Aldaxka euskal taldea sustatzaile. Gaur abenduaren 8tik hasita eta hilaren 14raino, izenburu berri bat eskainiko du egunero.

Montevideo, Uruguai. Euskara eta euskal zinemagintza presente eta ikusgai izango dira gaurtik aurrera eta aste osoan Montevideon, Uruguaiko Cinematecak, Aldaxka taldea sustatzaile, antolatu duen euskal zinema erakustaldia tarteko. Hautatu diren izenburu guztietan euskara entzun ahal izango dute bertaratzen diren zaleek. Guztiak eskainiko dira behin baino gehiagotan, egun eta ordu diferentetan.

Antolatzaileek adierazi dutenez, gai aldetik, pantailaratuko diren dokumental eta filmeek Euskal Herriko zenbait errealitate jendaurretuko dituzte "Euskal Herria eta bere zenbait bilaketa/kezkak aurkeztuz", "hala nola burujabetzarena (Gazta zati bat), giza eskubideen defentsa (Barrura begiratzeko Lehioak, Nun da Popo?), bere hizkuntza eta nortasunaren defentsa (Bertsolari), bere kultura Diasporan (Amerikanuak)". Eta fikzio alorrean "komedia eta satira soziala (Aupa Etxebeste, Urte Berri On, Amona), drma (Amaren eskuak), sailkapen erreza ez duten adierazpide abangoardistagoak (Emak Bakia) edo animaziozko drama historikoa (Gartxot)".

EGITARAUA

Abenduaren 8an, astelehena, 17.35 etan
Abenduaren 12an, ostirala. 20.50etan
AMERICANOS (AMERIKANUAK)
Zuzendari: Nacho Reig.
Bilbo 2010 - 90 min. ST. (Digitala).

Abenduaren 8an, astelehena. 19.15etan
Abenduaren 13an, larunbata. 17.30etan
VENTANAS AL INTERIOR (BARRURA BEGIRATZEKO LEIHOAK)
Zuz: Josu Martinez, Eneko Olasagasti, Mireia Gabilondo, Enara Goikoetxea, Txaber Larreategi.
Bilbo, 2012 - 95 min. ST. (Digitala).

Abenduaren 8an, astelehena. 21etan
Abenduaren 13an, larunbata. 19.15etan
BERTSOLARI (BERTSOLARI)
Zuz: Asier Altuna.
Donostia, 2011 - 90 min. ST. (Digitala).

Abenduaren 9an, asteartea. 20.50etan
Abenduaren 13an, larunbata. 20.55etan
UN PEDAZO DE QUESO (GAZTA ZATI BAT)
Zuz: Jon Maia.
Donostia, 2012. 90 min. ST (Digitala).

Programan ¿DÓNDE ESTA POPO? (NUN DA POPO?)
Zuz: Audrey Blandine Hoc.
Baiona, Iparraldea, 2014 – 28 min. ST. (Digitala).

Abenduaren 11an, osteguna. 17.30etan
Abenduaren 14an, igandea. 17.30etan
AUPA ETXEBESTE! (AUPA ETXEBESTE!)
Zuz: Telmo Esnal eta Asier Altuna.
Bilbo 2005 - 97 min. ST. (Digital).
Akt.:Ramon Agirre, Elena Irureta, Paco Sagarzazu.

Abenduaren 11an, osteguna. 19.15etan
Abenduaren 14an, igandea. 19.15etan
LAS MANOS DE MI MADRE (AMAREN ESKUAK)
Zuz: Mireia Gabilondo.
Durango, 2012-2013 - 95 min. ST. (Digitala).
Akt.: Ainara Gurrutxaga, Vicky Peña, Mark Schardan

Abenduaren 11an, osteguna. 21etan
Abenduaren 14an, igandea. 21.15etan
FELIZ AÑO, ABUELA (URTE BERRI ON AMONA)
Zuz: Telmo Esnal.
Donostia, 2011 - 105 min. ST. (Digitala).
Akt.: Montserrat Carulla, Josean Bengoetxea, Nagore Aranburu, Pedro Otaegi, Kontxu Odriozola.

Abenduaren 9an, asteartea. 19.15etan
Abenduaren 12an, ostirala. 19.15etan
GARTXOT (GARTXOT)
Zuz.: Asisko Urmeneta eta Juanjo Elordi.
Hozta. Donostia, 2011 - 85 min. ST. (Digitala).

Abenduaren 9, asteartea. 17.40etan
Abenduaren 12an ostirala. 17.40etan
LA CASA EMAK BAKIA (EMAK BAKIA!)
Zuz.: Oskar Alegría.
Donostia, 2012 - 83 min. ST. (Digital).



« aurrekoa
hurrengoa »

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia