Vitoria-Gasteiz. Gaur, asteartea, martxoak 24, 16:00etan (Euskadiko ordutegia), online topaketa bat izango dute "Indianoetatik migratzaileetara: Ikuspegi bat Euskal Diasporaz" ikastaroan matrikulatutako ikasleek, ikastaroaren programa akademikoaren barruan, Diasporako kide diren euskaldunekin. Izan ere, "Lehen eskutik ikasiko dute zer esan nahi duen euskal identitateak diasporan eta zer erronkari aurre egin behar dieten hala identifikatzen direnek euskal komunitateak finkatuta dauden herrialdeetan". Ekitaldia EHUko Ikasle Ohien Elkarteak (ACAEXA-EIKE) antolatu du, EHUrekin lankidetzan. Gasteizko Hezkuntza Fakultateak "Esperientziaren Ikasgelak" izenpean ezagunak diren klaseak eskaintzen dizkie 60 urtetik gorako ikasleei, Giza Zientzietako graduaren barruan.
Saioak "Euskal Diasporako graduondoko programako ikasle ohi diren Diasporako jendeen parte-hartzea izango du, hauek, bakoitza bere herrialdetik online parte hartzeko gonbitea onartu duitute, topaketa birtual honetan parte hartzeko gonbidapena onartu baitute eta, izenburuak dioen bezala, kurtsoa Gasteizen egiten ari diren ikasleekin solaskide arituko dira, "euskal diasporaren munduari ikuspegi desberdinetatik begiratzea ahalbidetuz", azaldu du Óscar Álvarez Gilak, Euskadi Diasporako graduondoko programako zuzendariak.
Ikasleekin hitz egingo duten eta euren esperientzia diasporatarra partekatuko dutenak, Perukoak, Argentinakoak, Brasilgoak-eta izango dira: Hor dira Germán eta Wilfredo Lizarzaburu, Joao Henrique Martins, Ana Maria Suárez Iribarren, Ángeles Muñoz, Ignacio Lardizabal, Susana Siccardi, Diana Oxalde eta Alfonsina Leranoz. Ruy Farias, 'Amale Artetxe' katedrako koordinatzailea, ere online parte hartuko du. Gasteizen, Óscar Álvarez Gilarekin batera Facundo Reyna Muniain irakaslea eta, jakina, ikastaroan matrikulatutako 35 ikasleak egongo dira.
Nahi dutenek saioa hemendik jarrai dezakete: https://acaexa.eus/eventos-realizados/cursos-formativos
Lagun bati bidali
Komentarioa gehitu
