euskalkultura.eus

euskal diaspora eta kultura

Albisteak rss

San Sebastian eguna da gaur (ikus ezazu Diasporako danborradez egin dugun bideo selekzioa)

2010/01/20

San Sebastian afari eta danborrada New Yorkeko Euskal Etxean (argazkia EE)
San Sebastian afari eta danborrada New Yorkeko Euskal Etxean (argazkia EE)

PUBLIZITATEA

Urtarrilaren 20a da gaur, San Sebastian eguna eta Donostian 24 orduz modu trinkoan, danborradaz danborrada, eta Sarriegiren doinuak protagonista bizitzen den eguna. EuskalKultura.com-en bulegoa Donostian dagoenez, geu ere, buletin eta webgune hau egiten dugunok San Sebastian Martxaren hitzek dioten "penak zokora, festara! dantzara!" hitzei kasu egin eta danborjole bihurtuko gara. Baina zeu ere zauden lekuan zaudela partaide izan zaitezen, bideo selekzio bat egin dugu, danborrada Donostian eta Diasporan nola bizi den irudi bidez agertuz. On egin!

Donostia-San Sebastian. Inguruko herrietako festek astebete edo lau edo hamar egun irauten duten bitartean, Donostian 24 orduko festa bizia eraikitzen da urtero urtarrilaren 19aren gaueko 00:00etatik 20aren 24:00etara. Hona ekarri ditugun bideoek San Sebastian eguna eta danborrada nola ospatzen den erakusten dute, Donostian (barka gaitzatela aurtengoan azpeitiarrek) eta Diasporako zenbait tokitan.

[Eguna internetez zuzenean segitu nahi duenak, ETB-Sat bidez egin dezake, hemendik]

[Iazko San Sebastian festaren hasiera, Alde Zaharreko Konstituzio Plazan: San Sebastian Martxa, herriak kantatua]

[Eta bitartean, aldi berean, Bartzelonako Euskal Etxean]

[Txinan ere, Shanghaiko Euskal Etxekoak danborradarekin bat egiten]

[Danborrada, joan den azaroan, Argentinako Bahia Blancako euskaldunek bizitua]

[Danborrada urte bete lehenago Argentinako Cañuelas herrian, urtero bezala bertako Euskal Etxeak antolaturik]

[Danborradaren sorrera eta historia azaltzen duen bideoa]

Bukatzeko, San Sebastian Martxako hitzak, Serafin Baroja Pio Barojaren aitak idatzitakoak:

Bagera!
gu (e)re bai
gu beti pozez, beti alai!

Sebastian bat bada zeruan
Donostia bat bakarra munduan
hura da santua ta hau da herria
horra zer dan gure Donostia!

Irutxuloko, Gaztelupeko
Joxemaritar zahar eta gazte
Joxemaritar zahar eta gazte
kalerik kale danborra joaz
umore ona zabaltzen hor dihoaz
Joxemari!

Gaurtandik gerora penak zokora
Festara! Dantzara!
Donostiarrei oihu egitera gatoz
pozaldiz!
Inauteriak datoz!



« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia