San Frantzisko, AEB. Pixkanaka, kolore urdina sartzen ari da Diasporako pilotalekuetan ere; gogoratu, konparazio, urrunago joan gabe joan den abenduan Necocheako Euzko Etxeko trinketearen kasua aipatzen genuela hementxe bertan. Urrats bera eman dute South San Frantziskon, eta bertako Gure Euskal Etxeko kantxak harro erakusten du dagoeneko bere kolore urdin (bluia edo azula esango lukete beste batzuk) berria, uztailaren 18an ateratako argazki honek agertzen duenez.
San Frantziskoko Basque Cultural Center edo Gure Euskal Etxetik esker biziak eman nahi diziete aldaketa gauzatzeko lanetan lagundu duten guztiei, frontoia Euskal Herriko, eta Kalifornia eta konderriko neurri guztiei egokitu eta behar bezala eraberrituta egon dadin. Orain, ea guztia bukatu eta noiz, osasun-egoerak gandituta, pilotariek eta publikoak sartu eta bertan ohi bezala aritzeko aukera daukaten, bizimoduak normaltasun apur bat berreskuratu duenaren seinale!
Lagun bati bidali
Komentarioa gehitu
