Necochea, Argentina. Necochea eta bertako Euzko Etxea izango dira gaur ostegunetik hasi eta datorren igandera bitartean Trinketeko Nazioarteko II. Emakume Txapelketako egoitza, pilota goma motan. Doaniko sarrera izango duten saioetan Argentina bertako eta Txile, Uruguai, Peru eta Espainia eta Frantziako ordezkariek hartuko dute parte, antolatzaileek adierazi dutenez.
Bitxikeria moduan, harridura sortu du egoitza izango den Euzko Etxeko trinketean egindako azken lanek eta margoketak, izan ere urdinez margotu baitute kantxa, itxura zinez berezi eta ezohikoa emanez, aldeko zein kontrako iritziak bilduta.
Hastapena gaur izango bada ere, estreinaldi ofiziala ostiralean, abenduaren 6an, egingo da, iluntzeko 7:45etan, partida eta ekitaldietarako sarrera doanik.
Lagun bati bidali
Komentarioa gehitu
