Azul, Argentina. Deia Azulgo Gure Txokoa Euskal Etxeak egin du, euskal komunitateetako kideak gonbidatuz euren euskal arbasoen elikadura-ondareari lotutako kontakizunak eta legatua bildu eta partekatzera. Ekimenak 'El legado vasco' (euskal ondarea) du izena eta oraingoz Azul, Tandil, Olavarría eta Quequén-en garatuko da, azken honen gertukoa den Necocheako Euzko Etxeko lagunak ere propio gonbidatuz, izan ere proiektua Buenos Aires probintziako Erdialdeko Unibertsitate Nazionalaren hedapen proiektuen deialdira aurkeztuko baita; horregatik, oraingo honetan, aipatutako hirietako euskal komunitateetan jarriko du arreta, bertan baitauzka egoitzak unibertsitate horrek, interesa orokorra den arren.
Errezetak, argazkiak, liburuak, errezeta-koadernoak, sukalde-tresnak, pasadizoak, istorioak, testigantzak eta elikagaiei eta ekoizpen-prozesuei, prestatzeko moduetan egin diren egokitzapenei buruzko guztiak balio du, euskal komunitatearen nortasunaren parte den guztiak, eta ongi etorria izango da euskal elikagaien ondare-erreskate proiektu hau garatzeko. Bildutako materialak liburu bat egiteko oinarria izango dira. Ekarpenak elkarrizketa gisa, idatzizko kontakizun gisa edo egokitzat jotzen den beste edozein bidez jasoko da.
Kontaktatu eta zeure hondar-alea ekarri
Parte hartu nahi dutenek telefonoz jar daitezke harremanetan Maite Salsamendi lizentziatuarekin 2494-66371 zenbakian; edo Sandra Adam lizentziatuarekin, 2281-554361an; edo, honako helbide elektroniko honetara idatziz: patrimonioalimentario2022@gmail.com.
On egin!
Lagun bati bidali
Komentarioa gehitu
