euskalkultura.eus

euskal diaspora eta kultura

Albisteak rss

New Yorkeko Euskal Etxeak berriztatze lanak amaitu ditu eta Aberri Eguna ospatzeko prest dago

2016/03/16

New Yorkeko Euskal Etxeko berriztatze lanen argazki batzuk (argazkia NYEE)
New Yorkeko Euskal Etxeko berriztatze lanen argazki batzuk (argazkia NYEE)

PUBLIZITATEA

Azken hilabeteotan New Yorkeko Euskal Etxeak bere egoitzan berriztatze lan handia egin du eta azkenik emaitzak ikusten hasi dira. Lanen bigarren fasea amaituta, elkarteak bazkideei deia egin die egoitza txukundu eta obren arrastoak garbitzera joateko. Martxoaren 19an da deia eta Aberri Eguneko festarekin, martxoaren 27an, estrenatuko dituzte instalazio berriak.

New York, AEB. New Yorkeko Euskal Etxeak amaitu du berriztatze lanen bigarren fasea eta aurki estrenatuko dituzte instalazio berriak. Hala ere, hori egin baino lehen, egoitza garbitu eta txukundu egin behar da eta horretarako elkarteko kideei laguntzako deialdia egin diete. Hitzordua datorren martxoaren 19an izango da, goizeko hamarretatik aurrera.

Berrikuntza lanak aurrera doaz zenbait jenderen laguntza eta lankidetzari esker, tartean Iñaki Bakedano (diseinua), Francisco Basurto (kontratista) Oscar Fuentes (arkitektoa) eta Enrique Arana (aholkularia).

Garbiketak amaitu eta egoitza txukundu ostean, elkarteak festa handi batekin estrenatuko du lokal berritua, Aberri Egunarekin, hain zuzen ere. Datorren martxoaren 27an egingo dute festa New Yorkeko euskaldunek, ohi bezala, bazkari eta elkarretaratze batekin. Taberna arratsaldeko ordu batean irekiko da eta afaria hiruretan hasiko.

Erreserbak egiteko, mesedez mezua bidaliozue Itziar Albisuri (mitzalg@gmail.com) edo hotsegiozue telefonoz 201.214.9649. Bestalde, erreserbak www.newyorkbasqueclub.com webgunean ere egin daitezke.



« aurrekoa
hurrengoa »

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.com

jaurlaritza gipuzkoa bizkaia