euskalkultura.eus

Donostia-San Sebastian. Gure Esku Dago herri ekimenak iragan ekainaren 8an egin zuen giza-katearen oihartzunak oraindik darraite Euskal Herrian eta baita Diasporan ere. Egitasmoak 150.000 lagundik gora bildu zituen Durangotik Iruñeara egin zen katean, baina munduan zehar euskaldun askok ere bat egin zuten ekimenarekin, ere sinbolikoan, bederen.

Leku batzuetan lagun andana bildu ziren, besteetan bertako euskaldunak gutxi izan arren ozen eta argi esan nahi zuten han ere Euskal Herriak bere etorkizunari buruz erabakitzeko eskubidea duela.
Jarraian, gure erredakzioan bildu ditugun hainbat bideo eta irudi:

-Argentinan, Jose C. Pazeko Toki Eder euskal etxeak 18 urteurrena ospatzen zuen eta 230 lagunek egin zuten giza-katea: 

-Londres, Ingalaterra: 

-Dublin, Irlanda:

-Cancun, Mexiko:

San Frantziskon ere, Basque Cultural Center elkarteak egin zuen bizikleta martxaren baitan, Gure Esku Dago ekimenarekin bat egin zuten partehartzaileek:

Sydneyko Gure Txoko Euskal Etxeko kideek ere Australiaraino zabaldu zuten Gure Esku Dagoren aldarria. Euren ekitaldiaren bideo bat, Gure Esku Dago Diaspora Facebook orrian. Beheko irudian, Sydneyko Euskaldunak elkartearen aurreko espaloian.