Caracas, Venezuela. Hiriburu venezuelarreko Eusko Etxea gogor ari da bere bazkide eta lagunei aukera berriak ematen bertako ekitaldi eskaintza eta partaidetza goititu eta areagotzeko eta ahalegin horren barnean literatura solasaldi bat abiaraziko du datorren larunbatean, bereziki euskal obrak irakurri, eta biltzen diren literaturzaleekin elkarren artean mintzagai jartzeko. Proposamen berriko lehenengo hitzordua El Paraísoko egoitzako Liburutegian gauzatuko da, datorren larunbatean, 17:00etatik aurrera.
Lehenengo saiorako aukeratu den liburua Kirmen Uriberen 'Elkarrekin esnatzeko ordua' (2016) izan da, 'La hora de despertarnos juntos', gaztelaniazko bertsioan, liburua zenbait hizkuntzara izan baita itzulia. Zentzu berezia hartzen du Caracasen irakurri eta aztertzeak, bertara lotutako istorio eta protagonistak baititu.
Larunbateko saioak Julen Azpiritxaga Zubizarreta izango du moderatzaile/koordinatzaile.
Lagun bati bidali
Komentarioa gehitu
