euskalkultura.eus

Laprida, Argentina. Galdera Lehiaketaren edizio berri batean parte hartzeko gonbitea luzatu du Lagunen Etxea Euskal Etxeak erakundearen 24. urtemuga eta Argentinako Ereserkiaren Bigarren Mendeurrena ospatze aldera, eta berria zabaltzeko eskatu digute. Txapelketa hiru kategoriatan banatu da: 10 eta 12 urte arteko haurrentzat, nerabeentzat eta helduentzat. Partaideek Argentinako zein Euskal Herriko historia jorratu beharko dute. Sariei dagokienez, liburuak izango dira hiru kategorientzat.

Erantzunak abenduaren 3ra arte jasoko dira euskal etxean eta honako helbide hauetara bidal daitezke: emailez (mearrondo@laprida.net) edo postaz zein bertaratuz, Av. Pedro Pereyra 1418, 7414 Laprida helbidean. Zalantzak (54)  (0) 2285 420538 telefonoan argi daitezke

Hona, egioki erantzun beharreko galdetegia:

Gaia: Argentinako eta Euskadiko Ereserkiak

1.- Argentinako Ereserkiaren letra eta musikaren egileen izen-abizenak.
     Euskal Ereserkiaren letraren egileen izen-abizenak.

2.- Argentinako Ereserkiak aipatzen dituen gai edo hitzak.
     Euskal Ereserkiak aipatzen dituen gai edo hitzak.

3.- Argentinako Ereserkiari jarri zizkioten izen edota izenburuak.
     Euskal Ereserkiari jarri zizkioten izen edota izenburuak.

4.- Zein gobernuk onartu zuen Argentinako Ereserkia? Zein urtetan?
     Zein gobernuk onartu zuen Euskadiko Ereserkia? Zein urtetan?

5.- Noiz da Argentinako Ereserkiaren Eguna (eguna eta hilabetea aipatu behar da).
     Noiz da Euskal Ereserkiaren Eguna (eguna eta hilabetea aipatu behar da).

Paella eta erretiroa

Beste alde batetik, Lagunen Etxea Euskal Etxetik jakinarazi dute joan den azaroaren 16an kide eta lagunentzako paella prestatu zuela instituzioko Pilota Azpibatzordeak. Afarian, Alejandro Eyherabide eta Eduardo Martin etxeko pilotariek datorren urtean erretiroa hartuko dutela iragarri zuten.

[Azaroaren 16an egindako afariaren irudiak. Dominak eta garaikurrak erakusten, Alejandro Eyherabide eta Eduardo Martin pilotariak (argazkiak M Ester Arrondo)]

Lagunen Etxekoek esker beroak eman nahi dizkiete kirolariei hainbeste urte euskal etxearen ordezkari izateagatik. Ekitaldi berean Eusko Txokoa Liburutegiko arduradun Maria Ester Arrondok, Elsa Eyherabidek eta Ana Maria Gancedok erakusketa bat muntatu zuten azken boladan eskuratutako liburuekin.