Necochea, Argentina. Euskal etxeetako gazte jendeari zuzendutako ekintza Ana Idigorasen ardurapean egingo da eta programa honi jarraituko dio: goizeko 10etan, parte-hartzaileen harrera eta FEVAko agintarien agurra. 10:30etan, tailerraren hasiera; 13etan, bazkaria; 15etatik 18etara, tailerraren jarraipena; 18etatik 18:30etara, atsedenaldia; 18:30etatik 20etara, tailerraren amaiera eta ondorio irakurketa.
Gauean San Inazio jaian parte hartu ahal izango dute bisitariek Necocheako Euzko Etxean.
Euskal etxe bakoitzak bi ordezkari bidali ahal izango ditu bilerara. Ostatu eta otorduen gastuak FEVAk hartuko ditu bere gain; bidaiarenak, berriz, euskal etxeak. Jarduera Necocheako Euzko Etxean izango da, 58 eta 65 kaleetan, uztailaren 28an, eta izena emateko epea uztailaren 18an, arratsaldeko 5etan, bukatuko da. Izena ematea FEVAn egin behar da (secretaria@feva.com.ar helbidera idatziz) partaideen izen-abizenak, NAN eta larunbatean ostatua beharko duten adieraziz.
Lagun bati bidali
Komentarioa gehitu
