euskalkultura.eus

Celaya, Mexiko. Harrera ekitaldi eta bazkarira, 'Ongi Etorri Celayara' ematera, hirian dagoeneko kokatuta dauden beste euskal enpresa batzuk hurreratu ziren, hala nola RPK, Celay edota CIE Automotive taldeko hiru enpresa. Kokatuta daude baita ere euskal jatorriko beste batzuk, tartean De Arondo Iturralde Auditores, Productos Laminados Iruña, Ferre Baztán, Panificadoras El Trigal, Carrocerías Halcón, Ferreterías Donosti, Zapaterías Iruña, Productos Lacteos Zubiri, Quesos Ahedo.

Celayako alkate Rubi Laura Lopez Silva izan zen ekitaldiko buru eta harekin batera bertaratu zen Yon de Luisa Saseta, Celayako Udaleko Garapen Ekonomikorako zuzendaria, euskal-mexikarra bera, umea zela Euskal Herritik Mexikora gurasoekin bizitzera etorria, erbesteratuta, euskaradun eta euskaltzalea eta oso pertsona ezaguna Mexikoko euskal komunitatearen barnean egin duen eta egiten duen ekarriagatik.

Parte hartu zutenen artean, Eugenio Otsoa, Celayan kokatuta dauden euskal enpresetako zuzendarietako bat, Gatzagako alkate ohia. Bildutakoei luzatu zizkien hitzetan azpimarratu zuen aurrean zeuzkan agintarien eta gainerako gazkaltiarren aurrean Euskal Herriak estatu honetan daukan ordezkaritzaren garrantzia, eta aukera baliatu zuen eskerrak emateko alkateari "enpresak bertan kokatzeko eta abian jartzeko fase guztietan emandako laguntzagatik, bai zure gobernuaren aldetik eta zure aurretik egon ziren gobernuetatik ere".

Bazkarian Celaya eta Euskal Herriko herri edo hiriren batean senidetze harremanak zabaltzeko aukera izan zen solasgaietako bat.

Argibide gehiago:

Celaya, Guanajuatoko Garapen Ekonomikorako Zuzendaritza
Telefonoa: 52 461 615 2301
Zuzendaria: Yon de Luisa Saseta
Telefonoa: 52 461 118 1371
E-maila: ydl@celaya.gob.mx, ganixe@prodigy.net.mx