Boise, AEB. Bai, doan eta zeure etxeko pantaila aurretik mugitu gabe egin dezakezu Boiseko Euskal Museoaren zati zaharrena den "Cyrus Jacobs Uberuaga Etxea" ezagutzeko bira birtuala. Geroago handitu eta zabaldu den Boiseko Euskal Museoa 1985ean hasi zen, Boiseko adriluzko egoiliar etxe zaharrena den honetan, 1864an eraikia, eta 1910etik aurrera eta 1969raino euskal emigranteentzako ostatu izan zena. Gogoan hartu Boise hiria 1863-64an sortu zela, eta Idaho bera 1890 arte ez zela bilakatuko AEBko estatu.
Bisita birtualak euskaraz, ingelesez, espainieraz eta frantsesez egin daitezke eta, Cyrus Jacobs Uberuaga House-z gain, Grove kalearen eta Basque Block-en zati bat erakusten dute --Cyrus Jacobs Uberuaga Etxearen inguru hurbila alegia-- baita ere Museoko parte den Anduiza euskal ostatu-ohiko pilota kantxa, eta etxearen euskal bolatokia, hori guztia etxe barnera sartu eta gelaz gela bisitatu aurretik.
-Boiseko Euskal Museoaren webgunea
-Dohaintza egiteko Boiseko Euskal Museoari
-Ikasle bazara, egin zaitez soldatagabeko bekadun
-Eskaini Museoko bolondres izateko
Lagun bati bidali
Komentarioa gehitu
