euskalkultura.eus

Emigrante eta errefuxiatuen krisia puri-purian dagoela, Europako Migrazio Erakundeen Elkarteak (AEMIk) bere urteroko bilkura eta mintegia hasiko du gaur Turinen, Italian. Eusko Jaurlaritzaren ordezkari, Turinen da Asier Vallejo, Kanpoan den Euskal Komunitatearentzako zuzendaria. Gaur eta bihar mintegia egingo da eta larunbatean bilera.

Turin, Italia. "Europe and Migrations in the 3rd Millennium" izenburupean egingo da Turinen AEMIren 2015eko mintegia eta bilkura, gaur hasi eta larunbata arte. Izenburu ezin egokiagoa, gaur egun Europa aurrez aurre bizitzen ari den errefuxiatu eta immigranteen krisia dela eta. Nahiz eta mintegian aurkeztuko diren txostenak eta ikerketak duela zenbait hilabete itxiak diren, krisiaren gaiak mintegiko eztabaida eta hausnarketetan lekua izango duela espero da.

Eusko Jaurlaritzaren ordezkari, Turinen da dagoeneko Asier Vallejo, Kanpoan den Euskal Komunitatearentzako zuzendaria. Mintegia gaur eta bihar egingo da, eta AEMIren urteroko bilkura, aldiz, larunbatean izango da.

Egitaraua, hemen.