Donostia-San Sebastian. Euskara Sustatzeko eta Hedatzeko Zuzendari lanpostua betetzeko bidea hasia du Etxepare Euskal Institutuak; hautagaitzak aurkezteko epea, datorren astelehena, azaroaren 28a da. Lanpostuak zeregin zabal eta arduratsuak dauzka eta besteak beste ardurapean dauzka Etxepareren munduko irakurletza eta katedrak, euskararen presentzia eta irakaskuntza sustatzea Euskal Etxeetan, euskara bultzatzea nazioartean, helburu horiekin lankidetza eta komunikazioa areagotzea bateko eta besteko erakunde eta instituzioekin...
Hautagaiei eskatzen zaie unibertsitate-titulua, doktoretzak eta graduondoak bereziki balioetsiz; euskara zinez menperatzea eta ingeles eta gaztelania maila altua, frantsesaren ezagutza kontuan hartuko dela; esperientzia euskara eta euskal kultura hedatzeko kudeaketa programetan eta eskarmentua goi mailako eremu akademikoan, bereziki balioetsiz esparru horretako zuzendaritza-esperientzia, pertsonen kudeaketa eta lidergoa.
Berehala lanean hasteko da, lan-talde profesional eta dinamiko baten parte eta aurkeztutako balio profesionalari dagokion ordain-sariarekin.
-Xehetasunak eta hautagaitza aurkezteko, hemen
Lagun bati bidali
Komentarioa gehitu
