iPad gailu eta iPhone mugikorretan euskara ikasteko aplikazio berria egin dute: HitzApp du izena

2012/09/26

HitzApp aplikazioaren irudi bat

PUBLIZITATEA

Euskaldun aditu talde batek sortu du HitzApp aplikazioa, Suitzako teknologia enpresa batekin elkarlanean. Aplikazioa hau iPad gailuetan eta iPhone mugikorretan erabiltzeko diseinatua da eta momentuz, gaztelaniazko bertsioa bakarrik dago. Erabiltzaileek hainbat joko eta ariketen bidez ikasiko dute euskara, arduradunen esanetan. Aplikazioaren prezioa 6.95 eurokoa da, eta enpresak beste hizkuntza batzuk ikasteko aplikazioak ere saltzen ditu. Aurki laster euskaldunentzako ingelera, frantsesa eta alemaniera ikasteko aplikazioak aterako dituzte.

Donostia-San Sebastian. Javier Bello Ruizek eta Kepa Iturrioz Zabalak sortu dute HitzApp, Silvio Amstrad-Wang eta Suitzako Wizzy Education Technologies SA enpresarekin elkarlanean, Sustatu.com albistegiak argitaratu duenez. HitzApp Euskara ikasteko aplikazio berria bat da eta iPhone eta iPad gailuetan erabiltzeko egina da.

HitzAppek 3000 hitz ikasteko ariketa eta joku sorta biltzen du. Hitz bakoitzak bere itzulpena eta ahoskera egokia ditu eta Silvio Amstad-Wang-en hizkuntza metodoan oinarritzen da. Egileen esanetan, unibertsitaterako sarbide-probak edo EGA prestatzen laguntzeko balio du, baita euskara eta kulturari buruz gehiago jakiteko ere.

Bi bertsio daude; bat iPad-entzako eta bestea iPhone mugiokorrentzat. iPad-eko bertsioak, Flashcards, Sugea, Blokeak, Hizki zopa, Aldatutako letrak, Hitz hautsiak, Lautik bat, Bikoteak eta Lexikoa ariketak ditu. iPhonekoak, aldiz, Flashcards, Lautik bat, Bikoteak eta Lexikoa.

Momentuz gaztelaniazko interfazea bakarrik du ariketak, hau da, gaztelaniaz egiten duten erabiltzaileentzat pentsatua da. Arduradunek diotenez, aurki euskaldunentzat ingelera, frantsesa eta alemaniera ikasteko aplikazioak argitaratuko dira.

-HitzApp hemen da eskuragarri. Prezioa, 6.95 euro
-Hizkuntza gehiago ikasteko aplikazioak, hemen