Rosario, Argentina. 2022an, Fernando Lizarbek (Rosario, Argentina) Argentinako diasporak euskararekin duen harremanari buruzko ikerketa hasi zuen, diaspora horretan euskarak duen presentzia eta jatorri horretako ikasleek hizkuntza ikastera hurbiltzeko izan dituzten arrazoiak aztertzeko helburuarekin. Maiatzean, Nafarroako Gobernuko Herritarrekiko Harremanetarako departamentuaren laguntza jaso zuen, Herritarrekiko Harremanetarako kontseilari Ana Olloren bidez. 2023ko martxo hasieran,lanaren lehenengo zatia argitaratu du.
Lizarbe testigantzak jasotzen joan den 2022an zehar, harrituta jendeak proiektuan parte hartzeko erakutsi zuen gogoagatik eta testigantzen aniztasunagatik. Gaur egun, 52 testigantza bildu ditu, eta horiek inprimatzearekin itxi da ikerketaren lehenenego etapa. Lehenengo aleak Ana Ollo konseilariari, Uxue Barkos, Unai Hualde, FEVA, Euskadiren Ordezkaritzari, Zazpirak Bat Euskal Etxeari eta Laurak Bat-i banatu dizkie Lizarbek, besteak beste.
Liburu gisa eta baita online ere
Lana, gainera, www.nafarroaargentinan.com webgunean dago argitaratuta, eta Argentinako hainbat lekutako berrogeita hamar bat testigantza irakur daitezke bertan. Lizarbek azpimarratzen du hainbat lekutako pertsonen kontakizunak izateak balio erantsia ematen diola lanari. Gehitzen du proiektuak irekita jarraitzen duela eta orain bigarren etapa atzera diseinatzen ari direla. Orain arte lortutakoarekin oso pozik badago ere, ikerketak oraindik ahal handiak dituela uste du. Izan ere, gonbidapena luzatzen die euren lekukotasuna eman nahi dutenei, berarekin harremanetan jar daitezen honako helbidearen bidez (nafarroaargentinan@gmail.com). Halaber, ikerketaren ale inprimatu bat jaso nahi dutenek ere zenbaki beraren bidez kotakta dezakete.
Lagun bati bidali
Komentarioa gehitu
