euskalkultura.eus

Río Colorado, Argentina. Ibaiko Euskaldunak Euskal Etxea Patagoniako Euskara Ikasleen Topaketaren egoitza izan zen aurten ere, iazko lehen edizio arrakastatsuaren ostean. Ekimena oso gustokoa dute Patagoniako euskaldunek, biltzeko aukera bikaina delako, eta aurten Rio Colorado, Viedma eta Bahia Blancako euskal etxeetako berrogeitahamar bat ikasle --eta irakasle-- bildu ziren bertara. Bisitari oso bereziak izan zituzten aurten gainera: Euskal Herritik etorritako lau neska-mutil gazte.

Iaz bezalaxe topaketan lanerako eta dibertsiorako astia izan zen. Alde batetik hiru euskal etxeetako ikasleak taldeetan nahastu ziren eta euskaraz, gai desberdinei buruzko aurkezpeneak prestatu eta egin zituzten: inmigrazioa, Gernika, herria-auzoa... Eurekin batera gazte euskaldunak ere aritu ziren lanean eta euren laguntza oso aberasgarria izan zen bai euskararen aldetik eta baita Euskal Herriko informazio eta kulturari dagokionez ere.

Lanaren ostean dibertsioa etorri zen: Bahia Blancako Gure Antzerki taldearen performance bat eta 'Bat' laburmetraiaren emanaldia (Bahia Blancako ikasleek euskara hutsean egingiko laburmetraiai da). Eta noski, ezin ahaztu Rio Coloradoko anfitrioek prestatu zuten arkume errekia, Patagoniar erara. Eguna bukatzeko bingoan jokatu zuten partaideek eta euskaldunek argentinarrek hain maite duten matea dastatu ahal izan zuten.

Jarraian topaketako irudi batzuk, bertan egon zen giro ederraren seinale:

[Patagoniako euskara ikasleen bigarren topaketak gonbidatu oso bereziak izan zituen: Euskal Herritik etorritako Iker, Gorka, Iñaki eta Aintzane (argazkian, ezkerrean lehena den Rocio Basterrarekin). Topaketan parte hartu zuten argentinar askorentzat ezagutzen zituzten lehen Euskal Herriko euskaldunak ziren eta euren artean adiskidetasun oso aberasgarria sortu zen. Euskalgazteek argentinarrekin batera lan egin zuten topaketaren jarduera desberdinetan, Euskal Herriko eguneroko bizitza eta ohiturei buruz azalpenak emanez (argazkiak R.Basterra)]


[Bahia Blanca eta Río Coloradoko ikasleek eta Euskal Herriko Iñakik osaturiko taldea, euren aurkezpena prestatzen Rio Coloradoko Euskal Etxean. Euren gaia inmigrazioa zen (argazkia R.Basterra)]

[Rio Coloradoko Lidia, Marilin eta Silviak topaketan parte hartu zuten, baina gainera, anfitrioi bikainak izaki, bertara bildu zirenak ederki zaindu zituzten (argazkia R. Basterra)]


[Euskal etxe desberdinetako ikasleak taldeetan bildu ziren aurkezpenak egiteko: Gernikari buruzko gaia landu zuen taldean Hilda (Rio Colorado), Marisa eta Oskar (Bahia Blanca) eta Magdalena (Viedma) egon ziren, adibidez (iruditan aurkezpena egiten) (argazkia R.Basterra)]


[Rio Coloradoko euskara ikasle batek, folklore irakasleek eta bi gaztetxok argentinar dantza erakustaldia eskaini zuten. Iruditan 'Chacarera' dantzatzen (argazkia R.Basterra)]


[Goizean zehar gogor lanean aritu ostean saria izan zuten bisitariek eta Patagoniako arkume erreki ederra dastatzeko aukera izan zuten (argakzia R.Basterra)]


[Bazkalostean, lanera beriz. Herria-Auzoa gaia aurkezten Betty, Marcelo eta Gorka, Euskal Herritik etorritakoa. Betty Rio Coloradoarra da eta ia larogei urte izan arren gogo handiarekin paret hartu zuen ekimenean (aragazkia R.Basterra)]


[Bahia Blancako Gure Antzerki taldeko kideek emanaldi bat eskaini zuten, 'Bat' laburmetraia aurkeztearekikn batera (argazkia R.Basterra)]


[Argentinarrek asko ikasi zuten euskaldunenganik, baina alderantziz ere izan zen aurkikuntzarik. Iruditan, adibidez, Aintzane argentinarrek hain maite duten matea dastatzen (argazkia R.Basterra)]

Irudi gehiago gure Argazki Galerian, hemen.