Bahía Blanca, Argentina. Buenos Aires probintzia hegomendebaldeko Bahia Blanca kostaldeko hiria izan da azken hamar egunotan Argentina eta inguruko herrialdeetako euskal bizitzaren erdigune. EuskalKultura.eus-en jasotzen joan garenez, azaroaren 2tik 10era, 2019ko Euskal Aste Nazionala (Semana Nacional Vasca) egin da hirian, bertako Union Vasca Euskal Etxeak aurten 120 urte betetzen ari dela ospatzeko antolatutako ekitaldi programaren barne.
Ohi bezala, azken asteburu hau izan da festa egitarauko momentu trinkoena, hamaika bazterretatik etorritako partaideak Bahia Blancara bildurik, Ospakizunak atzo igande iluntzean bukatuta, aste honetako datozen egunetan zehar irudi bidezko kronika joango gara argitaratzen, bertan bizitutakoaren isla kronologikoa ematearren.
Bihartik aurrera izango da hori, baina gaurkoan, aurrerapen gisa, asteburuko mementu berezi batzuk ekarri ditugu hona, segidako bideo hauetan. On egin!
Euskaldunen Kalejira Bahía Blancako kaleetan barrena
Eta danborrada: entzun San Sebastian Martxa, Argentinako euskal etxeetako jotzaileen eskutik
Igandeko dantzari-agerraldia, Bahia Blancako Udaletxe aurreko plazan
(Bihar jarraituko du)
Lagun bati bidali
Komentarioa gehitu
