euskalkultura.eus

euskal diaspora eta kultura

Albisteak rss

Euskal-argentinar filma: hasi da Argentinan ‘El Vasco’ren aurreprodukzioa, euskal estrak beharko dituzte

2020/02/10

'El Vasco' pelikula euskal argentinarraren afixa
'El Vasco' pelikula euskal argentinarraren afixa

PUBLIZITATEA

Villa Maria, Argentina. Otsail hasieran abiatu da Cordoba probintzia argentinarreko Villa Maria herrian ‘El Vasco’ film euskal-argentinarraren aurreprodukzioa. Protagonistak Euskal Herriko eta Argentinako aktoreak izango ditu, euskal aldetik Itziar Aizpuru eta Joseba Usabiaga gipuzkoarrak eta argentinarretik Eduardo Blanco, Ines Efron eta Muriel Santana. Baina filmari seguruenik ukitu berezia emango diona Argentinako euskal gizataldearen inplikazioa izango da; izan ere, proiektuan Villa Mariako eta Mendozako euskal etxeak inplikatu dira eta dantzari euskal argentinarrek ere partaidetza izango dute istorioan.

‘El Vasco’ komedia bat da eta Argentinara iristen den Mikel izeneko euskaldun baten gorabeherak kontatuko ditu. Hona argumentua: “Mikelek ez ditu batere maite euskalkeriak eta gauza euskaldunetatik zinez aldentzeko Euskal Herria utzi eta Argentinara emigratzea erabakitzen du. Baina Argentinara iristean, bertako euskal diasporarekin eta euskal kultura praktikatu eta lantzen duen komunitate batekin topatuko da".

Filmaren errodajealdia maiatzaren 11an hasiko da eta bost astez luzatuko da Argentinan: lau Cordobako Morrison herrian eta beste bat Mendozan. Hortik Euskal Herrirako jauzia emango du, eta bertan beste astebeteko errodajea aurreikusi du, Bizkaian, Bermeon.

Filmaren ekoiztetxeetakoa den Pausokatik EuskalKultura.eus-i jakinarazi zaionez proiektuak beharrezkoa izango du bigarren mailako paperen bat egiteko pertsonarik, eta Argentinako euskal gizataldearen baitan bilatuko dute.



Komentarioak

  • Interesgarria

    Emaitza ikusteko irrikan nago. Eskerrik asko informazioa emateagatik. Webgune polita daukazue. Zorionak

    Mario Arregi (Donostia-San Sebastián), 2020/02/10 11:45

« aurrekoa
hurrengoa »

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.com

jaurlaritza gipuzkoa bizkaia