euskalkultura.eus

Boise, AEB. Domingo Manuel Aguirre, Mountain Homen jaio zen 1921aren otsailaren 23an, Domingo Aguirre eta Juanita Urquidiren seme.

Domingok eta Richard bere anaiak, euren aitarekin batera, urte asko eman zituzten Mountain Home inguruan kokatutako famili arrantxuan. Gaztetan, Washington estatuan bi urtez ikasten egon ostean, bere lanbidea arrantxaritzari lotua behar zuela erabaki zuen, eta Elmore Countyra itzuli zen, aitarekin ardi-arrantxuan lan egitera anaia Richard Bigarren Mundu Gerran hil eta gero. Zenbait urte beranduago nekazaritzan aditu zen aita eta bere beste anaia Feliperekin.

Bere euskal jatorriaz harro, Domingok laguntza eman ohi zuen euskal piknik eta jaialdietan, eta maiz zozketatzeko zein erretzeko arkumeak oparitu zizkion euskal etxeari. Izan ere, Boiseko eta Mountain Homeko euskal etxeetako kide zen. Gogoko zuen familiarekin eta euskal komunitateko beste partaideekin euskaraz aritzea. Behin izan zen Euskal Herrian, familia bisitatu eta ezagutzera, eta artzaintzan bere lankide izandako lagun eta langile ohiak bisitatzera joana.

Azkenengo urteetan Domingok soinuaren musika onaz eta fotografiaz gozatzen zuen, baita bilobekin berbetan ere. Elmore konderrian barrena ibilia zen Felipe bere anaiarekin eta haren seme Richard eta Feliperekin.

Bere aldeko hileta-elizkizuna gaur astelehena izango da, ekainaren 20an, goizeko 11etan, Our Lady of Good Counsel eliza katolikoan, ondoren afari batekin jarraitzeko.

Goian edo Gogoan Bego, Domingo Aguirre.