euskalkultura.eus

euskal diaspora eta kultura

Albisteak rss

Cañuelasko Denak Bat-ek hamabi euskal etxetako gazteak jaso zituen asteburuan Aberri Eguneko XIII. Dantzari Topaketan

2019/04/11

Cañuelasko 2019ko Dantzarien Topaketa
Cañuelasko 2019ko Dantzarien Topaketa

PUBLIZITATEA

Cañuelas, Argentina. Denak Bat-en urteko ekitaldi nagusia den Aberri Eguneko Dantzarien Topaketa joan den larunbat-igandean, apirilaren 6an eta 7an, egin da aurten, honako euskal etxeak partaide: Cañuelas bertako Denak Bat-ekin batera, Buenos Airesko Laurak Bat, Paranako Urrundik, La Platako Euzko Etxea, Bahia Blancako Union Vasca, Mar del Platako Denak Bat, Maipuko Anaitasuna, Lanuseko Euskal Herria, Tres Arroyosko Hiru Erreka, Jose C. Pazeko Toki Eder, Chacabucoko Guillermo Larregui, Chivilcoyko Beti Aurrera eta Lomas de Zamorako Denak Bat.

Danborradak eman zion hasiera Plazako ikuskizunari eta horren ostean, agertoki berean, Soka-dantza taularatu zuten zenbait euskal etxetako ordezkariek, ongietorri gisa. Segidan euskal etxe guztietako taldeak pasatu ziren hurrenez hurren oholtza gainetik, bakoitzak aukeratutako dantzen erakusgarri. Bukaeran, dantzariak eta publikoa Fandango eta Kalejira batean bildu ziren.

2019 honetako afarian eta erromerian nobedade bat ere egon da. Rosariotik etorritako Xabier Aguirrek ‘Txapela’ euskal sagardo naturala aurkeztu du eta gonbidatuek zuzenean kupeletik edateko aukera izan zuten, Euskal Herrian txotx garaian egiten den bezala.

Igandeko bazkarian, Euskal Etxeko Abesbatza eta Zutarriak taldea arduratu ziren musika alorraz. Une hunkigarriak ere bizi izan zituzten cañuelastarrek Euskal Etxeko bost kide zaharrenak omendu zituztenean. Saridunak Pedro Iraola, Nelly Mathieu, Nelli Etchevers, Juan Indaverea eta Roberto Gangoyti izan ziren; azken hau, ordea, ez zen bertaratu osasun arazoak medio.

Urtero bezala, igandean oroigarri bana eman diete aurten ere antolatzaileek gonbidatuei  ‘azken agurra’ren momentuan. Aurten, musean aritzeko kartak izan dira.


Argazki galeria



« aurrekoa
hurrengoa »

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.com

jaurlaritza gipuzkoa bizkaia