euskalkultura.eus

euskal diaspora eta kultura

Albisteak rss

Badator Zinemaldia 2012! Martxoaren 1etik 30era euskal zinema ikusgai Bartzelonan Euskal Etxeari esker

2012/02/29

Fermin Muguruzak "Next Music Station: Lebanon" dokumentala aurkeztuko du Bartzelonako Euskal Etxearen Zinemaldian
Fermin Muguruzak "Next Music Station: Lebanon" dokumentala aurkeztuko du Bartzelonako Euskal Etxearen Zinemaldian

PUBLIZITATEA

Bartzelonako Euskal Etxeak beste behin ere erakuslehio bikaina eskainiko dio Euskal Herrian egiten den zineari eta Zinemaldia jaialdiaren zazpigarren edizioan hogei bat lan aurkeztuko ditu Kataluniako hiriburuan. Bihar, martxoaren 1ean, abiatuko da jaialdia eta hilaren 30a bitartean luzatuko da. Egitarauan mota eta estilo desberdinetako proposamenak daude: animazioa, laburmetraia, komedia, drama, dokumentalak... Filmeak jatorrizko bertsioan, gehienak euskaraz, emango dira, azpitituluekin. Ikusleek zuzendari eta aktoreekin solasteko aukera izango dute; Fermin Muguruza, adibidez, martxoaren 8an izango da euskal etxean, "Next Music Station: Lebanon" dokumentala aurkezten.

Bartzelona, Katalunia. Martxoaren 1etik 30era Bartzelonako Euskal Etxeak Zinemaldia 2012 jaialdia egingo du eta euskal zinemagintzaren azken emaitzak ezagutzeko eta gozatzeko aukera emango die bai hirian bizi diren euskaldunei, zein euskal kultura ezagutu nahi duten kataluniarrei.

Euskal Etxeak berak azaldu duenez, jaialdiaren zazpigarren edizioa da hau, eta zenbaki horretara iristeak erakusten du ekitaldiak oinarri sendoak eta ikuslego fidela dituela Bartzelonan. Zinemaldiak ikusleei kataluniar zirkuitu komertzialetan nekez topa daitezkeen filmeak ikusteko parada ematen die, eta gainera, doan. Ez da nolanahiko prosamena, egungoa bezalako krisi garaian.

Urtero bezala, gainera, Zinemaldiak ikusle, zuzendari eta aktoreen artea elkarrizketa eta eztabaida sustatuko ditu eta filme guztien ostean solasaldiak egingo dira. Horrela, Euskal Etxetik pasako dira Telmo Esnal ("Urte berri on, Amona!"), Alberto Gorritiberea ("Arriya") eta Asier Altuna ("Bertsolari") bezalako zuzendariak, Montserrat Carulla aktore kataluniarra eta Fermin Muguruza musikaria, berak zuzendu duen "Next Music Station" dokumental sailaren "Lebanon" atalarekin.

EGITARAUA

Emanaldia guztiak Euskal Etxean egingo dira, doan, martxoaren 2koa izan ezik (kalean egingo da, Passeig del Born-en).

Martxoak 1

"Gartxot" (Animazioa). Solasaldia Asisko Urmeneta zuzendariarekin.

Martxoak 2

Kimuak (Laburmetraiak). Passeig del Born-en.

Martxoak 8

"Next Music Station: Lebanon" (Dokumentala). Solasaldia Fermin Muguruza zuzendariarekin.

Martxoak 10

"Azken bidaia-El último paso" (Drama). Solasaldia Iurre Telleria eta Enara Goikoetxearekin.

Martxoak 14

"Urte Berri On, amona!" (Komedia beltza). Solasaldia Telmo Esnal zuzendariarekin eta Montserrat Carulla aktorearekin.

Martxoak 15

"Flysch" (Dokumentala). Solasaldia Alberto J. Gorritiberea zuzendariarekin.

Martxoak 16

"Arriya" (Drama). Solasaldia Alberto J. Gorritiberea zuzendariarekin.

Martxoak 17

"Bertsolari" (Dokumentala). Solasaldia Asier Altuna zuzendariarekin.

Martxoak 22

Euskara ikasleen laburmetraien lehiketa.

Martxoak 23

"Bi anai" (Drama). Solasaldia Imanol Rayorekin.

Martxoak 29

"Virgen Negra" (Laburmetraia). Solasaldia Raul de la Fuente zuzendariarekin.

Martxoak 30

"Mugaldekoak" (Drama). Solasaldia Mireia Gabilondo eta Fernando Bernues zuzendariekin.


-Zinemaldia 2012ri buruzko datu gehiago, Euskal Etxearen blogean, hemen.



« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia