euskalkultura.eus

Arrasate, Gipuzkoa. Lezetxiki koba 1927an aurkitu zuten eta Jose Miguel Barandiaranek indusketa garrantzitsuak egin zituen 1956tik 1968ra bitartean. 1996tik aurrera Aranzadi izan da ardura horretan aritu izan dena. Bertan aurkitutakoak dira, esaterako, Euskal Herrian atxeman diren giza arrasto zaharrenak, duela 150.000 urtekoak.

Aranzadik 15 urte daramatza Lezetxikin lanean, baina lan hauek bukatzeaz haratago, Alvaro Arrizabalaga, indusketen zuzendariak adierazi duenez, oraindik lan asko geratzen da egiteke. Izan ere, duela 150.000 urteko arrasto garrantzitsuak ari dira agertzen.

Oraingoz, uztailaren 17ra bitarte lanean jarrituko dute Arrizabalagaren agindutara, hogei gazte inguruk. Gehienak Euskal Herrikoak, baina baita  Katalunia eta Madrildik espresuki bertaratutakoak ere badaude.