euskal diaspora eta kultura
2015/10/14
Balioespen sakonagoak egiteko denbora zertxobait gehiago behar bada ere, Kanpoan den Euskal Komunitatearentzako Zuzendaritzak balioespen baikorra egin du Gasteizen amaitu berria den Euskal Gizataldeen VI. Mundu-Batzarraz eta honekin batera garatu den Gaztemundu 2015 programaz. Asier Vallejo zuzendariak EuskalKultura.com-en eskaerari erantzunez adierazi duenez, gauzak hobetu daitezke baina lehenengo balantzea zinez baikorra da Gaztemunduri dagokionez, eta Batzarra ere baikor balioetsi dute, "nota hartu dugularik datozen kongresuetarako hobe daitezkeen gauzez". Ikus, azkenean, argazki galeriak.
2015/10/14
Premiazko deialdia egin berri du Etxepare Euskal Institutuak Pariseko Sorbonne Nouvelle III unibertsitateko euskara eta euskal kulturako irakurle baten bila. Irakaslea ikasturte honetan bertan hasiko da lanean eta irakurletzak orora 25.000 euroko aurrekontua izango du. Eskatzaileek honakoak bete beharko dituzte: graduko unibertsitate-titulua izatea; euskarako C1 ezagutza maila eta frantseseko B1 ezagutza maila egiaztatzea.
2015/10/13
Lehendabiziko bakarlana amaitu berri du Sonia de los Santos musikariak (Monterrey, Mexiko, 1982), ‘Mi viaje: De Nuevo León to the New York island’. New Yorken bizi da duela hamar urte eta immigrante legez izandako esperientziaz ari da abestietan, bai eta bere jatorri-herriarekiko maitasunaz eta kultura anitzekiko pasioaz. Tartean, euskaldunen kulturarekikoaz ere bai. Izan ere, Mikel Laboaren ‘Txoria txori’ grabatu du. “YouTube-n entzun nuen, Joan Baez-ek abestua, eta izugarri gustatu zitzaidan”, esan dio EuskalKultura.com-i. “Bihotz-bihotzez egin dut”.
2015/10/13
Nafarroako Unibertsitateak ateak irekiko dizkio bihar urriaren 14an herrialde honetako emigrazioari buruz jakinmina duen edonori, "Nafarroa eta Amerika" mintegira gonbidatuta. Mintegiak emigrazio honi buruzko ikuspegi orokorra emango du, hainbat ikerketa eta lekukotza aurkeztuz. Ekitaldi hau "Amerikanuak. Basques in the New World" liburuaren 40. urteurrena ospatzeko antolatu diren jardueren parte da. 15 eta 16an pareko ekitaldial antolatu di tu EHUk.
2015/10/13
Urriko proposamen nagusia da Mar del Platako Denak Bat euskal etxean Aralarko Mikel Deunaren ospakizuna. Izan ere, ekintzen programa bi astez luzatzen da eta instituzioan garatzen diren aktibitate gehienetako ordezkariek hartzen dute parte. Aurtengo egitaraua datorren larunbatean bukatuko da, dantzariek antolatutako Taskarekin, hasi, irailaren 30ean hasi zelarik Pilota Txapelketa batekin.
2015/10/12
Ostirala izan zen Kanpoan diren Euskal Gizataldeen VI. Mundu-Batzarraren hirugarren eta azken eguna. Goizez Biltzarreko emaitza gisa konklusioak eta Eusko Jaurlaritzari Lau-urteko Plan gisa pasatuko zaizkion proposamenak landu ziren Montehermoso Jauregian eta ondoren amaiera eman zitzaion 6. Mundu-Batzarrari Lehendakaritzan, William Douglass-en itxiera-hitzaldiarekin eta Urkullu lehendakariak esaniko azken hitzekin.
2015/10/09
Euskarak eta genero berdintasuna izan dira Kanpoan diren Euskal Gizataldeen VI. Mundu-Batzarrak bere bigarren egunerari ekiteko hautatutako gaiak. Horrekin batera, eta diaspora-gaiei buruzko zenbait libururen aurkezpenak segitzearekin, biltzarkideek Lehendakariaren Euskal Gizatalde gaietarako Aholku Batzordean ordezkari izango dituzten hiru kideak hautatu zituzten.
2015/10/09
Azken eguna du gaurkoa, joan den asteazkenetik hona Gasteizeko Montehermoso Jauregian-Oihaneder Euskararen Etxean gauzatzen ari den "Kanpoan diren Euskal Gizataldeen VI. Mundu-Batzarra". Atzo Aholku-Batzordeko euskal etxeen hiru ordezkariak hautatu ostean, gaurkoan konklusioen tenorea izango da, izan ere Aholku Batzorde horrek, seguruenik abenduan egingo duen bilerako mahaira eramango diren proposamenak deliberatzeko tenorea.
2015/10/09
Mikel Deunaren jaia ospatu zuten joan den larunbatean Ontario (Oregon) herri estatubatuarreko euskaldunek hirugarren urtez. “Geure asabetako asko Mikel Deunaren elizan izan ziren bataiatuak eta horregatik pentsatu genuen santu hau ospatzea”, azaldu dio EuskalKultura.com-i euskal etxeko presidente Lisa Corcosteguik. 60 lagun baino gehiago bildu ziren santuaren jaiaren harira.
2015/10/09
Urkullu lehendakariaren irekiera-hitzek abiarazi zuten ofizialki atzo Gasteizko Montehermoso Jauregia-Oihaneder Euskararen Etxean "Kanpoan diren Euskal Gizataldeen VI. Mundu-Batzarra". Lehendakariarekin batera, Kanpo Harremanetarako idazkari nagusi Marian Elorza eta Kanpoan den Euskal Komunitatearentzako zuzendari Asier Vallejo zeuden mahaiean, bileraren irekiera-hitzaldia eman behar zuen Kingsley Aikins adituarekin batera. Hona eguneko argazkien kronika.
PUBLIZITATEA
PUBLIZITATEA
PUBLIZITATEA
PUBLIZITATEA
PUBLIZITATEA
© 2014 - 2019 Basque Heritage Elkartea
Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus
