euskal diaspora eta kultura
2015/01/07
Azkeneko legealdian Patxi Lopez lehendakari zela Euskadiren Kolonbia, Venezuela eta Ertamerikarako ordezkari izandako Iñaki Martinez finalista izan da atzo Bartzelonan erabaki den Nadal eleberri sari prestigiotsuko 2015ko edizioan. Saria José C. Vales-en 'Cabaret Biarritz'-i eman bazioten ere, Iñaki Martinez abokatu bilbotarraren 'Tanger la ciudad de la mentira' izan da sei finalistetako bat.
2015/01/05
Urtea hastearekin batera deialdi berria egin du Miamiko Euskal Etxeak elkarretaratzeko. Otsailaren 21a da data eta euskal festak gastronomia, musika, herri kirolak, mus partidak eta aire zabaleko familia giroa izango ditu osagai. Bertan lortzen diren etekin guztiak Joseba Andoni Larrazabal haurraren alde joango dira. Bertan bizi bazara edo egun horietan bertatik ibiliko den norbait ezagutzen baduzu, ez izan dudarik: euskal giroko festa, Josebarekin elkartasunean.
2015/01/02
Pirinioen bi aldeetan dauden komunitate, eskualde eta herrialdeen mugaz gaindiko lankidetza tresna da erakunde hau eta bere zuzendaritza eramango duen pertsona baten bila dabil. Hautagaiek goi tituludunak behar dute izan, oso ondo moldatu espainolez eta frantsesez (kontutan hartuko dira ingelesa, euskara, katalana eta okzitaniera), eskarmentuduna behar du diru europarren kudeaketan eta besteak beste. 60.000 euroko urteko soldata eskaintzen da. Epea 2015eko urtarrilaren 31 da.
2014/12/31
Habana Zaharra, Kubako hiriburuko gune historikoaren bihotza, izango da 11. Euskal Herria Mugaz Gaindi Nazioarteko Mintegiaren gunea. Aurtengoan Kubako euskaldunak dira topaketaren ardatz, Habanako Euskal Etxeak EuskalKultura.com-i aditzera eman dionez. Antolatzaileak Nevada-Renoko Unibertsitateko Center for Basque Studies eta Eusko Jaurlaritza dira, Asociación Vasco Navarra de Beneficencia Kubako Euskal Etxearen lankidetzarekin, besteak beste.
2014/12/31
Cordobako Gure Txokoa Euskal Etxeak, datorren larunbatean Buenos Aires hiritik abiatuko den Dakar Rally-eko euskal pilotoa animatzera ateratzeko deia egiten duen ohar bat plazaratuz amaitu du 2014a, izan ere euskal etxeak bere 60. urtebetetzea ospatu duen urtea. Euskal Etxeak abenduaren 13an egin zuen bere Batzar Nagusia eta, besteak beste, orain arteko lehendakaria, Alejo Martin, berriz hautatu zuen presidente. [Eguneraketa: Dakar lasterketaz, adierazi zaigu 'Donostia taldea' ere lehiakide dela T1.2 kategorian, Luis Chillida pilotu; eta baita ere Txomin Arana pilotu ereñotarra, hau motorrean]
2014/12/31
Kanadako Red Bay herriak “III Jaialdia Red Bay Basque Festival” antolatuko du 2015eko uztailaren 7tik 19ra bere iragan euskalduna bersortuz. Gogoratu behar da Red Bay XVI. eta XVII. mendeetako euskal baleazaleen estazio garrantzitsua izan zela Biarritzetik, Baionatik, Donibane Lohizunetik, Pasaiatik, Donostiatik, Oriotik edota Bermeotik iritsitako arrantzaleentzat. Jardunaldietan haien bizimodua zer-nolakoa zen erakutsiko dute eta horrekin batera euskal gastronomia erakusketak eta Euskal Herriko kulturarekin lotutako erakustaldiak ere izango dira.
2014/12/30
Bere buletin edo newsletter-aren zenbaki berria plazaratu du Agirre Lehendakaria Center for Social and Political Studies (ALC) erakundeak. Euskal Herriko Unibertsitateko Leioako kanpusean egoitza duen "gogoeta eta ikerketa sustatzeko" erakunde honek Ibarretxe lehendakari ohia buru dihardu eta, izan ere, iragan bisita egin zuen iragan azaroan Brasil, Uruguai eta Txilera. Horren balantzea eta beste zenbait gai hartu dituz hizpide aipatu buletinak.
2014/12/30
Olentzero oraindik Euskal Herriko mendietara bueltatzen eta gabon kantak oraindik airean entzungai, Sarriegiren gogoa hasia da sartzen Necochean. Hiri argentinar honetako Aste Nagusia euskal jaia urtarrilaren 19tik 24ra izango da 2015ean, eta urtero bezala kirol, musika eta dantza ikuskizunak izango ditu ardatz. Aurtengo programaren nobedadea, Iparraldetik etorritako Patxi Perez eta bere taldearen bisita izango da. Necocheakoaz gain Argentinako beste zenbait euskal etxe bisitatu dituzte dantzari euskaldunek edade guztietako jendeak dantzaraztea helburu.
2014/12/29
EHAAk bere gaurko edizioan eman du argitara Eusko Jaurlaritzak "atzerrian dauden euskal gizataldeetako partaideak diren eta egoera larrian eta asistentzia faltan dauden pertsonei laguntzeko" 2015eko deialdia. Garaiz oso argitara ematen den deialdi honek 202.000 euroko zuzkidura du eta eskaerak, euskal etxeen bidez, aurkezteko epea hilabetekoa du, bihartik aurrera kontatuta.
2014/12/29
Pare bat egun baino ez dira gelditzen urtea amaitzeko eta Jose C. Paz-eko euskal etxetik abenduko euren azken ekintzen eta urte azken eta hasierako albisteen berri eman nahi digute. Batetik, azken bolada honetan elkarretaratze batzuk egin dituzte euskal etxeko kideek 2014ko ikasturtea behar bezala ixteko. Eta ildo horretan, albiste bereziki on bat iragarriz, 2015ean euskara, Udalaren Ikasketa Zentroan ere irakasten hasiko direla adierazi dute..
PUBLIZITATEA
PUBLIZITATEA
PUBLIZITATEA
PUBLIZITATEA
PUBLIZITATEA
© 2014 - 2019 Basque Heritage Elkartea
Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus
