euskal diaspora eta kultura
2014/12/17
Kirmen Uriberen Bilbao-New York-Bilbao eleberria (euskaratik ingelesera Elizabeth Macklin itzultzaile) Erresuma Batuan 2014an argitaratu diren fikziozko 14 liburu onenen artean hautatua izan da, Foyles-ek urtero ateratzen duen zerrendaren arabera. Zerrendak aurten ingelesez argitara eman diren obrak baitaratzen ditu, jatorriz ingelesez idatziak izan ala itzulitakoak. Euren obrak hautatuak izan diren egileen artean, oso famatuak daude, hala nola Ali Smith, Naomi Wood edo Man Booker Sariaren azkeneko irabazlea, Richard Flanagan.
2014/12/17
Bazkideen babes handia erakutsi zuen Habanako Euskal Etxeak 2014ko Batzar Orokorrean, 200 lagundik gora bildu baitziren ekitaldira, elkartearen alde lan egiteko gogotsu eta datorren urterako planak egiteko irrikaz. Euskal Etxeak, bere aldetik, esker ona erakutsi zien urtean zehar lan bereziki aipagarria egin duten lau bazkideei.
2014/12/17
Bizkaiko Itziarren Semeak ska taldearen kontzertu eta ehun lagunentzako urte amaierako afari batekin ospatu zuen bere urtebetetzea Viedma eta Carmen de Patagones hirietako Beti Aurrera Aberri Etxeak. Eta nahiz eta ofizialki itxi duten 2014ko ekintzen programa, barne lanarekin jarraituko dute, 2015eko martxoan inauguratu nahi dute-eta elkartearen egoitza.
2014/12/16
Kontzertu polita, intimo eta bildua eskaini zuen joan den igandean Gure Txoko euskal etxe Valladolidekoan Napoka Iria bikote gipuzkoarrak. Bisita eta emanaldia, Miren Narbaiza eta Ander Mujikak adostutako egunpasa izan zen, hiri gaztelarreko euskaldunekin partekatua eta elkarren berri sakonagoa izateko balio izan zuena. Musikariak zein bildutako publikoa --aretoa beterik, ziento erdi bat pertsona-- gustura atera ziren esperientziarekin.
2014/12/16
Euskararen Nazioarteko Eguna joko eta irri artean ospatu zuten Uruguaien Montevideo eta San Jose hiriko euskara ikasle eta irakasleek. Centro Euskaro elkartean egin zuten festan 30 bat lagun bildu ziren eta giro bikainean gozatu zuten egunaz. Uruguaiko euskara irakasle Andrea Bellak argazki sorta ederra jarri du "Uruguaiko azken berriak" blogean. Euskaraz idazten du blog hau Andrea euskal-uruguaidarrak, anima zaitezte eta utziozue iruzkinen bat!
2014/12/16
Ehunda berrogeita hamar bat lagun bildu zituen aurkezpen ofizialak, euskaldunen proposamenak eta kultur adierazpenak zuzenean ezagutzeko interesak piztuta. Guztiak atera ziren pozik, euskal etxe berriko kideen dantzak eta sukaldaritza eskaintza azpimarragarria eta jai giro ederra izan baitziren. Barilocheko Mendiko Eusko Etxeko dantzariek ere hartu zuten parte jaian, eta gonbidatu dituzte sanmartindarrak, laster bisita itzultzera.
2014/12/15
Atzo igandea gertatu zen, Misiones probintzia argentinarreko Posadas hiriburuko ospitalera batean. Izan ere, han sartu zuten orain dela hamar bat egun, tumore gaizto bat antzeman ondoren. Carlos Alberto Galarzak 66 urte zeuzkan eta Corpus Christiko Eusko Etxeko kide zen, azken bolada honetan idazkari hautatua eta baita aurretik lehendakariorde ere.
2014/12/15
Errezitala Liburutegi Nazionalean izan zen eta berrehundik gora lagun bildu zituen. Jendez gainezka zegoen areto batean eta Silvia Iriondo folklorista argentinarra lagun, txalo zaparrada jaso zuten Oreka TX taldea osatzen duten Harkaitz Martínez de San Vicente eta Mikel Ugarte txalapartariek, Mixel Ducau albokari.
2014/12/15
Gabriel Arestiren "Harri eta herri" poema-liburuak 50 urte bete dituela eta, Berlingo Euskal Etxeak poeta bilbotarraren lana ekarri nahi izan zuen gogora aurtengo Euskararen Nazioarteko Eguneko ospakizunetan. Arestiren poemak Bertold Brecht alemaniarraren olerkiekin tartekatuta irakurri zituzten Berlingo Werkstatt der Kulturen kultur-etxean egin zen ekitaldian. Alemanez Christine Paasch-ek irakurri zuen eta euskaraz Garazi Ugaldek.
2014/12/12
Euskaltzaleok eta Laurak Bat Valentziako euskal etxeek Diasporaren Gutunen II. Literatura Lehiaketa antolatu dute. Mundu osoko eta bereziki Diasporako euskara ikasle eta euskaldunei irekia da lehiaketa eta urtarrilaren 15a arte bidal daitezke lanak. Saria liburu sorta bana izango da, bi kategoriaran. Animatu zaitezte!
PUBLIZITATEA
PUBLIZITATEA
PUBLIZITATEA
PUBLIZITATEA
PUBLIZITATEA
© 2014 - 2019 Basque Heritage Elkartea
Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus
