euskal diaspora eta kultura
2014/12/30
Olentzero oraindik Euskal Herriko mendietara bueltatzen eta gabon kantak oraindik airean entzungai, Sarriegiren gogoa hasia da sartzen Necochean. Hiri argentinar honetako Aste Nagusia euskal jaia urtarrilaren 19tik 24ra izango da 2015ean, eta urtero bezala kirol, musika eta dantza ikuskizunak izango ditu ardatz. Aurtengo programaren nobedadea, Iparraldetik etorritako Patxi Perez eta bere taldearen bisita izango da. Necocheakoaz gain Argentinako beste zenbait euskal etxe bisitatu dituzte dantzari euskaldunek edade guztietako jendeak dantzaraztea helburu.
2014/12/29
EHAAk bere gaurko edizioan eman du argitara Eusko Jaurlaritzak "atzerrian dauden euskal gizataldeetako partaideak diren eta egoera larrian eta asistentzia faltan dauden pertsonei laguntzeko" 2015eko deialdia. Garaiz oso argitara ematen den deialdi honek 202.000 euroko zuzkidura du eta eskaerak, euskal etxeen bidez, aurkezteko epea hilabetekoa du, bihartik aurrera kontatuta.
2014/12/29
Pare bat egun baino ez dira gelditzen urtea amaitzeko eta Jose C. Paz-eko euskal etxetik abenduko euren azken ekintzen eta urte azken eta hasierako albisteen berri eman nahi digute. Batetik, azken bolada honetan elkarretaratze batzuk egin dituzte euskal etxeko kideek 2014ko ikasturtea behar bezala ixteko. Eta ildo horretan, albiste bereziki on bat iragarriz, 2015ean euskara, Udalaren Ikasketa Zentroan ere irakasten hasiko direla adierazi dute..
2014/12/29
Bertako Sarmiento Liburutegiak antolaturik, “Los Vascos de Gándara” (Gandarako Euskaldunak) bere liburua aurkeztu du Buenos Aires probintziako Chascomus hirian Cesar Arrondo irakasleak. Hainbat entzuleren aurrean, 2009. urtean hasitako ikerketaren emaitzak eta Gandara parajean euskaldunek izandako eragina kontatzen du izenburu aurkeztu berriak.
2014/12/26
Eusko JaurlaritzakKanpo Harremanetarako idazkari nagusiaren ebazpena eman du gaur argitara, buletin ofizialaren bidez (2014ko abenduaren 26ko EHAA, Euskal Herriko Agintaritzaren Aldizkaria), 2015erako deia eginez Kanpo Harremanen eremuan espezializatu nahi duten propfesionalentzat. Zortzi beka dira, horietarik lauk Gasteiz daukate egoitza, beste bik Brusela eta bana dira Txileko Santiago eta Kolonbiako Bogotarako.
2014/12/26
NABOko edo AEBetako euskal etxeen federazioak euskara eskolen alorrean dituen bi koordinatzaileetako bat da Itxaso Cayero. Boisen jaioa, 25 urte dauzka eta euskara eta Ipar Ameriketako euskal komunitateetan euskal kultura ahalik eta gehien dinamizatzea da bere erronketako bat. Haur ingelesdunak euskara ikasteko testuen egile ere bada.
2014/12/24
Montevideoko Haize Hegoa Euskal Etxeak urtero urtero egiten du Gabonetan Euskal Postalen Lehiaketa, hiriko neska-mutilei euskal ohituren berri emateko asmoz. Aurten ere Olentzero, Galtzagorri, Mari Domingi eta beste hamaika pertsonaien istorioak entzun eta postaletan jarri dituzte. Dagoeneko munduan zehar ibiliko dira postalak, Haize Hegoak Diasporako euskal etxeei Eguberria zoriontzeko erabiltzen ditu eta!
2014/12/24
Urteak dira Villa Mariako Euzko Etxeak erakundeak Euskal Aste Kulturala antolatzen duela urteko ekintzen programari –ekimen esanguratsu batekin– amaiera emateko. Programa oparoa izan ohi da eta mota askotako proposamenak eskaintzen dizkio komunitateari, euskal etxean eta baita euskal etxetik kanpo ere egiten diren hainbat aktibitaterekin.
2014/12/23
Atzerrian dagoen talentua eta euskal langileak Euskal Herrira erakartzeko asmoarekin, Bizkaia Talent elkarteak bere webgunean goi mailako profesionalentzako lan-eskaintzen berri ematen du. Egunotan dozena bat hautaketa prozesu eta lan-eskaintza berri iragarri dituzte. Segi bizkor, izen emateko epea kasu batzuetan aste honetan bertan amaitzen da eta!
2014/12/23
Euren euskal etxea sortzearekin batera hasi ziren Urte Amaierako Euskal Astea ospatzen Buenos Aires probintziako Gral. Las Heras herriko euskaldunak. Aurten, festaren laugarren edizioan, bertako klasikoa bihurtu dela esan daiteke. Ekimeneko hainbat argazki hautatu eta ekarri dizkizugu artikulu eta irudi-galeria honetara.
PUBLIZITATEA
PUBLIZITATEA
PUBLIZITATEA
PUBLIZITATEA
PUBLIZITATEA
© 2014 - 2019 Basque Heritage Elkartea
Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus
